Bul qaýesetti jýrnalist jáne qoǵam belsendisi Janbolat Mamai óz sózinde de keltiredi.
Baibek Almaty qalasynyń ákimi bolǵan kezde kelesi kúni "Baibektiń otbasynda qandai ielikter bar" degen maqala jariialanǵanyn eske túsirdi.
Onda meniń otbasym múshelerimniń aty atalatyn kompaniialardyń ataýy berilgen. Taǵaiyndala salyp, erteńinde shyqty osyndai maqala, bireýler tez áreket etti. Sirá, sol adamdar meniń Almaty qalasynyń ákimi bolatynymdy aldyn ala bilip, maqala ázirlep, ony der kezinde shyǵarýǵa tyrysqan. Aitaiyn degenim, Janbolat Mamai aityp otyrǵan kompaniialardyń barlyǵy Almaty ákimi bolmai turǵanda qurylǵan. Bul kompaniialardyń eshqaisysy da Almatyǵa bailanysty emes. Osy jolǵysy. Sodan keiin tórt jyldan soń men Almaty qalasynyń ákimi qyzmetinen ketkenimde Uzun Qulaq telegramma kanaly dál sol málimetterdi keltirip, biraq sońynda: "Baibek - dollary kóp milliarder" dep kórsete ketipti, - dedi Baibek Táńirbergen Berdońǵarǵa bergen suqbatynda.
Mamai Baibek 100-ge jýyq kompaniiadan turatyn biznes-imperiia qurdy dep basa aitty. Biraq, ol bul kórsetkishtiń "tym" ásire kórsetilgenin jetkizdi.
Bul tizim ishinde tek 10-ǵa jýyq kompaniia meniń otbasyma tiesili dep aita alamyn. Ony joqqa shyǵarmaimyn. Munyń bári jariia júrgiziledi, resmi aqparat kózderinen málimetterdi tabýǵa bolady, salyqtary ýaqtyly tólenedi, - dep túsindirdi ol.
Baibektiń aitýynsha, atalǵan kompaniialardyń jartysy bankrotqa ushyraǵan.
Biznes - táýekel. Siz táýekel etip, biznes ashasyz, ol birde bolady, birde bolmai qalady. Meniń otbasymnyń bir de bireýi memlekettik qyzmette jumys istemeidi. Bul kompaniialar jekeshelendirýge qatysqan joq, keibir kásiporyndardy arzanǵa satyp alǵan joq. Bul - intellektýaldy kásiporyndar jáne olardyń Almatydaǵy qyzmetime esh bailanysy joq, bul eń bastysy. Ol jerde iri jobalar joq.
Ótirik bulai ashyqtan ashyq jala jabý degen eshqandai sheńberge syimaityn nárse. Ár adam óziniń ar-ojdany men kóp aldynda jaýap beredi. Meni shyndyqty aitýǵa, árdaiym jaqsylyqqa jaqsylyqpen jaýap berýge.
Aqty aq, qarany qara dep aitýǵa, óz is-áreketterine jaýapkershilikpen qarap, sheshim qabyldaýdy úiretti. Elbasy árqashan osylai úiretetin. Sheshim qabyldadyń ba, ol úshin sońyna deiin jaýap berý kerek dep, - deidi ol.
https://www.youtube.com/watch?v=sW0hsZRV6dU
