ماماي؟ اشىقتان اشىق جالا جابۋعا بولمايدى – بايبەك

Dalanews 20 ءساۋ. 2021 06:04 372

الماتىنىڭ بۇرىنعى اكىمى، Nur Otan پارتياسى ءتوراعاسىنىڭ ءبىرىنشى ورىنباسارى باۋىرجان بايبەك سۇقبات بەرىپ، وزىنە قاتىستى قاۋەسەتتەرگە بايلانىستى پىكىر ءبىلدىردى. سونداي قاۋەسەتتىڭ ءبىرى - "يەلىگىندە 100 كومپانياسى بار ميللياردەر" دەگەن، دەپ حابارلايدى Dalanews.kz. 

بۇل قاۋەسەتتى جۋرناليست جانە قوعام بەلسەندىسى جانبولات ماماي ءوز سوزىندە دە كەلتىرەدى.

بايبەك الماتى قالاسىنىڭ اكىمى بولعان كەزدە كەلەسى كۇنى "بايبەكتىڭ وتباسىندا قانداي يەلىكتەر بار" دەگەن ماقالا جاريالانعانىن ەسكە ءتۇسىردى.

وندا مەنىڭ وتباسىم مۇشەلەرىمنىڭ اتى اتالاتىن كومپانيالاردىڭ اتاۋى بەرىلگەن. تاعايىندالا سالىپ، ەرتەڭىندە شىقتى وسىنداي ماقالا، بىرەۋلەر تەز ارەكەت ەتتى. ءسىرا، سول ادامدار مەنىڭ الماتى قالاسىنىڭ اكىمى بولاتىنىمدى الدىن الا ءبىلىپ، ماقالا ازىرلەپ، ونى دەر كەزىندە شىعارۋعا تىرىسقان. ايتايىن دەگەنىم، جانبولات ماماي ايتىپ وتىرعان كومپانيالاردىڭ بارلىعى الماتى اكىمى بولماي تۇرعاندا قۇرىلعان. بۇل كومپانيالاردىڭ ەشقايسىسى دا الماتىعا بايلانىستى ەمەس. وسى جولعىسى. سودان كەيىن ءتورت جىلدان سوڭ مەن الماتى قالاسىنىڭ اكىمى قىزمەتىنەن كەتكەنىمدە Uzun Qulaq تەلەگرامما كانالى ءدال سول مالىمەتتەردى كەلتىرىپ، ءبىراق سوڭىندا: "بايبەك - دوللارى كوپ ميللياردەر" دەپ كورسەتە كەتىپتى، - دەدى بايبەك تاڭىربەرگەن بەردوڭعارعا بەرگەن سۇقباتىندا.

ماماي بايبەك 100-گە جۋىق كومپانيادان تۇراتىن بيزنەس-يمپەريا قۇردى دەپ باسا ايتتى. ءبىراق، ول بۇل كورسەتكىشتىڭ "تىم" اسىرە كورسەتىلگەنىن جەتكىزدى.

بۇل ءتىزىم ىشىندە تەك 10-عا جۋىق كومپانيا مەنىڭ وتباسىما تيەسىلى دەپ ايتا الامىن. ونى جوققا شىعارمايمىن. مۇنىڭ ءبارى جاريا جۇرگىزىلەدى، رەسمي اقپارات كوزدەرىنەن مالىمەتتەردى تابۋعا بولادى، سالىقتارى ۋاقتىلى تولەنەدى، - دەپ ءتۇسىندىردى ول.

بايبەكتىڭ ايتۋىنشا، اتالعان كومپانيالاردىڭ جارتىسى بانكروتقا ۇشىراعان.

بيزنەس - تاۋەكەل. ءسىز تاۋەكەل ەتىپ، بيزنەس اشاسىز، ول بىردە بولادى، بىردە بولماي قالادى. مەنىڭ وتباسىمنىڭ ءبىر دە بىرەۋى مەملەكەتتىك قىزمەتتە جۇمىس ىستەمەيدى. بۇل كومپانيالار جەكەشەلەندىرۋگە قاتىسقان جوق، كەيبىر كاسىپورىنداردى ارزانعا ساتىپ العان جوق. بۇل - ينتەللەكتۋالدى كاسىپورىندار جانە ولاردىڭ الماتىداعى قىزمەتىمە ەش بايلانىسى جوق، بۇل ەڭ باستىسى. ول جەردە ءىرى جوبالار جوق.

وتىرىك بۇلاي اشىقتان اشىق جالا جابۋ دەگەن ەشقانداي شەڭبەرگە سىيمايتىن نارسە. ءار ادام ءوزىنىڭ ار-وجدانى مەن كوپ الدىندا جاۋاپ بەرەدى. مەنى شىندىقتى ايتۋعا، ءاردايىم جاقسىلىققا جاقسىلىقپەن جاۋاپ بەرۋگە.


اقتى اق، قارانى قارا دەپ ايتۋعا، ءوز ىس-ارەكەتتەرىنە جاۋاپكەرشىلىكپەن قاراپ، شەشىم قابىلداۋدى ۇيرەتتى. ەلباسى ءارقاشان وسىلاي ۇيرەتەتىن. شەشىم قابىلدادىڭ با، ول ءۇشىن سوڭىنا دەيىن جاۋاپ بەرۋ كەرەك دەپ، - دەيدى ول.

https://www.youtube.com/watch؟v=sW0hsZRV6dU

ۇسىنىلعان
سوڭعى جاڭالىقتار