Almaty turǵyndary qala ákimdigine jeke kompaniialar tarapynan aitylǵan usynysqa qarsy shyqty, dep habarlaidy Dalanews.kz.
Mán-jaiy
"Qurylys salasyndaǵy birqatar kompaniia basshysymen keńes ótkizip, olardyń júzege asyryp jatqan jobalaryn talqyladym. Ásirese, Almatynyń týristik jáne jol infraqurylymyn damytýǵa arnalǵan memlekettik-jekemenshik seriktestik negizindegi jobalarǵa erekshe nazar aýdardyq. Seriktestiktiń basym baǵyttaryn anyqtadyq. Ár jobanyń merzimi, qarjylandyrý kólemi men qalaǵa tigizer tiimdiligin jan-jaqty qarastyrý úshin tiisti basqarmalarǵa tapsyrma berdim", - dep jazdy qala ákimi.
Sondai-aq, Darhan Satybaldy áleýmettik jelidegi paraqshasyna birneshe jobanyń sýretterin jariialaǵan.
Halyqtyń reaktsiiasy
Jobalardyń ishinde Venetsiiaǵa uqsas jospar, estakada syzbasy bar. Alaida bul sheshim qala turǵyndaryna jaqpady.
Jurt mundai joba qalanyń máselesin odan ári kúrdelendirip jiberetinin aitty. Oǵan qosa, halyq qaladaǵy las aýany da synaǵan.
"Tóle bi kóshesindegi estakada qaidan shyqty? Ol jerde tramvai jobasy bolady dep edi ǵoi. Ákimdik LRT-dan bas tartty ma?", "Qurmetti qala ákimi. Mundai magistral salmasańyzdar eken. Qaladaǵy aýa tym lastanyp ketti, demalý múmkin emes. Aldymen osy máseleni shesheiik. Bul - úlken ekologiialyq problema. Jaiaý qozǵalysty damytý, qoǵamdyq kólikti jetildirý qajet. Tramvaidy qaita qaitaryńyzdar!", "Ekologiia ne boldy?", "Ne degen suryqsyz jolairyq? Ákimdik durys ýrbanist taba almai ma? Maman jaldaýǵa biýdjet joq pa? Qala onsyz da búlinip bitti, nege odan ári qurtasyzdar?! Biýdjetti "igerý" kerek ekenin túsinemin, biraq ar-uiat degen de bolýy kerek qoi", - dep ashyndy qala turǵyndary.
