الماتى تۇرعىندارى قالا ەكٸمدٸگٸنە جەكە كومپانييالار تاراپىنان ايتىلعان ۇسىنىسقا قارسى شىقتى, دەپ حابارلايدى Dalanews.kz.
مەن-جايى
"قۇرىلىس سالاسىنداعى بٸرقاتار كومپانييا باسشىسىمەن كەڭەس ٶتكٸزٸپ, ولاردىڭ جٷزەگە اسىرىپ جاتقان جوبالارىن تالقىلادىم. ەسٸرەسە, الماتىنىڭ تۋريستٸك جەنە جول ينفراقۇرىلىمىن دامىتۋعا ارنالعان مەملەكەتتٸك-جەكەمەنشٸك سەرٸكتەستٸك نەگٸزٸندەگٸ جوبالارعا ەرەكشە نازار اۋداردىق. سەرٸكتەستٸكتٸڭ باسىم باعىتتارىن انىقتادىق. ەر جوبانىڭ مەرزٸمٸ, قارجىلاندىرۋ كٶلەمٸ مەن قالاعا تيگٸزەر تيٸمدٸلٸگٸن جان-جاقتى قاراستىرۋ ٷشٸن تيٸستٸ باسقارمالارعا تاپسىرما بەردٸم", - دەپ جازدى قالا ەكٸمٸ.
سونداي-اق, دارحان ساتىبالدى ەلەۋمەتتٸك جەلٸدەگٸ پاراقشاسىنا بٸرنەشە جوبانىڭ سۋرەتتەرٸن جارييالاعان.
حالىقتىڭ رەاكتسيياسى
جوبالاردىڭ ٸشٸندە ۆەنەتسيياعا ۇقساس جوسپار, ەستاكادا سىزباسى بار. الايدا بۇل شەشٸم قالا تۇرعىندارىنا جاقپادى.
جۇرت مۇنداي جوبا قالانىڭ مەسەلەسٸن ودان ەرٸ كٷردەلەندٸرٸپ جٸبەرەتٸنٸن ايتتى. وعان قوسا, حالىق قالاداعى لاس اۋانى دا سىناعان.
"تٶلە بي كٶشەسٸندەگٸ ەستاكادا قايدان شىقتى? ول جەردە ترامۆاي جوباسى بولادى دەپ ەدٸ عوي. ەكٸمدٸك LRT-دان باس تارتتى ما?", "قۇرمەتتٸ قالا ەكٸمٸ. مۇنداي ماگيسترال سالماساڭىزدار ەكەن. قالاداعى اۋا تىم لاستانىپ كەتتٸ, دەمالۋ مٷمكٸن ەمەس. الدىمەن وسى مەسەلەنٸ شەشەيٸك. بۇل - ٷلكەن ەكولوگييالىق پروبلەما. جاياۋ قوزعالىستى دامىتۋ, قوعامدىق كٶلٸكتٸ جەتٸلدٸرۋ قاجەت. ترامۆايدى قايتا قايتارىڭىزدار!", "ەكولوگييا نە بولدى?", "نە دەگەن سۇرىقسىز جولايرىق? ەكٸمدٸك دۇرىس ۋربانيست تابا الماي ما? مامان جالداۋعا بيۋدجەت جوق پا? قالا ونسىز دا بٷلٸنٸپ بٸتتٸ, نەگە ودان ەرٸ قۇرتاسىزدار?! بيۋدجەتتٸ "يگەرۋ" كەرەك ەكەنٸن تٷسٸنەمٸن, بٸراق ار-ۇيات دەگەن دە بولۋى كەرەك قوي", - دەپ اشىندى قالا تۇرعىندارى.
