Málik Nurjanuly 1980 jyly 2 aqpanda Jambyl oblysy, Aqjar aýylynda týylǵan.
Eńbek jolyn 2001 jyly Ál-Farabı atyndaǵy Qazaq Ulttyq ýnıversıtetiniń Halyqaralyq qatynastar fakúltetinde stajer-zertteýshi bolyp bastaǵan.
2003 - 2016 jyldar aralyǵynda Ál-Farabı atyndaǵy Qazaq Ulttyq ýnıversıtetiniń Halyqaralyq qatynastar fakúltetinde aspırant, «Dıalog» Eýrazıa-Qazaqstan» jýrnalynyń jaýapty hatshysy, bas redaktory, bas úılestirýshisi, Qazaqstan Jazýshylar odaǵyna qarasty «Qalamger» jýrnalynyń bas úılestirýshisi Qazaqstan Respýblıkasy Mádenıet jáne sport mınıstrliginiń Halyqaralyq túrki mádenıetin damytý TÚRKSOI uıymyndaǵy ókili bolyp qyzmetter atqarǵan.
2016 jylǵy sáýir aıynan Qazaqstan Respýblıkasy Túrkıa Respýblıkasyndaǵy elshiliginiń Úshinshi hatshysy laýazymyn atqaryp keldi.
Qazaq ádebıetin shetelderde nasıhattaýdy shyǵarmashylyǵyna berik ustanym ketken Málik Otarbaev búginde elimiz ǵana emes túrki dúnıesine belgili qalamger.
Halyqaralyq mádenı-ıntellektýaldy «da Qazaqstan» jýrnalynyń jaýapty hatshysy, bas redaktory, dırektor orynbasary qyzmetterin atqardy. Qazaqstan Jazýshylar odaǵyna qarasty «Qalamger» jýrnalynyń bas úılestirýshisi mindetin atqardy.
2014-2016 j.j. – QR Mádenıet jáne sport mınıstrliginiń Halyqaralyq túrki mádenıetin damytý uıymy TÚRKSOI-daǵy ókili. 2016 jyldyń sáýir aıynan bastap, Qazaqstan Respýblıkasynyń Túrkıadaǵy Elshiliginde dıplomatıalyq qyzmet atqarady. Alǵashqy kitaby – «Oıqazan» atty ádebı-fılosofıalyq oıtolǵaýy 2010 jyly jaryq kórdi. 2017 jyly «Baıandy baq» atty pesasy Atyraý oblystyq Mahambet atyndaǵy dramalyq teatry sahnalandy. Atalǵan spektákl EKSPO-2017 Halyqaralyq mamandyrylǵan kórmesi aıasynda M.Gorkıı atyndaǵy dramalyq teatrynda qoıyldy. Túrkıaǵa arnaıy shaqyrtý aldy
Túrkıada aı saıyn shyǵatyn «Kardesh kalemler» jýrnalyna Súıinbaı, Jambyl, B.Soqpaqbaev, Sh.Murtaza, O.Súleımenov, N.Orazalın, R.Otarbaev syndy qazaq aqyn-jazýshylarynyń shyǵarmashylyqtary jóninde materıaldardy jınaqtap, túrik tilinde jarıalatqan. Túrik tilinde jazǵan kórkem áńgimeleri sheteldik jáne respýblıkalyq baspasóz betterinde jaryq kórdi. Ázerbaıjan, orys, qyrǵyz tilderine aýdaryldy.
