قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن تۇركىستان وبلىسىنىڭ اكىمى ج.تۇيمەبايەۆتىڭ وكىمىمەن تۇركىستان وبلىسى اكىمىنىڭ ورىنباسارى بولىپ وتاربايەۆ مالىك نۇرجان ۇلى تاعايىندالدى.

مالىك نۇرجان ۇلى 1980 جىلى 2 اقپاندا جامبىل وبلىسى، اقجار اۋىلىندا تۋىلعان.

ەڭبەك جولىن 2001 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتىندە ستاجەر-زەرتتەۋشى بولىپ باستاعان.

2003 - 2016 جىلدار ارالىعىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ  حالىقارالىق قاتىناستار فاكۋلتەتىندە اسپيرانت، «ديالوگ» ەۋرازيا-قازاقستان» جۋرنالىنىڭ جاۋاپتى حاتشىسى، باس رەداكتورى، باس ۇيلەستىرۋشىسى، قازاقستان جازۋشىلار وداعىنا قاراستى «قالامگەر» جۋرنالىنىڭ باس ۇيلەستىرۋشىسى قازاقستان رەسپۋبليكاسى مادەنيەت جانە سپورت  مينيسترلىگىنىڭ حالىقارالىق تۇركى مادەنيەتىن دامىتۋ تۇركسوي ۇيىمىنداعى وكىلى بولىپ قىزمەتتەر اتقارعان.

2016 جىلعى ءساۋىر ايىنان قازاقستان رەسپۋبليكاسى تۇركيا رەسپۋبليكاسىنداعى ەلشىلىگىنىڭ ءۇشىنشى حاتشىسى لاۋازىمىن اتقارىپ كەلدى.

قازاق ادەبيەتىن شەتەل­دەردە ناسيحاتتاۋدى شىعارما­شىلىعىنا بەرىك ۇستانىم كەتكەن مالىك وتاربايەۆ ءبۇ­گىندە ەلىمىز عانا ەمەس تۇركى دۇنيەسىنە بەلگىلى قالامگەر. 

حالىقارالىق مادەني-ينتەللەكتۋالدى «da قازاقستان» جۋرنالىنىڭ جاۋاپتى حاتشىسى، باس رەداكتورى، ديرەكتور ورىنباسارى قىزمەتتەرىن اتقاردى. قازاقستان جازۋشىلار وداعىنا قاراستى «قالامگەر» جۋرنالىنىڭ باس ۇيلەستىرۋشىسى مىندەتىن اتقاردى.

2014-2016 ج.ج. – ق ر مادەنيەت جانە سپورت مينيسترلىگىنىڭ حالىقارالىق تۇركى مادەنيەتىن دامىتۋ ۇيىمى تۇركسوي-داعى وكىلى. 2016 جىلدىڭ ءساۋىر ايىنان باستاپ، قازاقستان رەسپۋبليكاسىنىڭ تۇركياداعى ەلشىلىگىندە ديپلوماتيالىق قىزمەت اتقارادى. العاشقى كىتابى – «ويقازان» اتتى ادەبي-فيلوسوفيالىق ويتولعاۋى 2010 جىلى جارىق كوردى. 2017 جىلى «باياندى ب ا ق» اتتى پەساسى اتىراۋ وبلىستىق ماحامبەت اتىنداعى درامالىق تەاترى ساحنالاندى. اتالعان سپەكتاكل ەكسپو-2017 حالىقارالىق ماماندىرىلعان كورمەسى اياسىندا م.گوركيي اتىنداعى درامالىق تەاترىندا قويىلدى. تۇركياعا ارنايى شاقىرتۋ الدى

تۇركيادا اي سايىن شىعاتىن «كاردەش كالەملەر» جۋرنالىنا ءسۇيىنباي، جامبىل، ب.سوقپاقبايەۆ، ش.مۇرتازا، و.سۇلەيمەنوۆ، ن.ورازالين، ر.وتاربايەۆ سىندى قازاق اقىن-جازۋشىلارىنىڭ شىعارماشىلىقتارى جونىندە ماتەريالداردى جيناقتاپ، تۇرىك تىلىندە جاريالاتقان.   تۇرىك تىلىندە جازعان كوركەم اڭگىمەلەرى شەتەلدىك جانە رەسپۋبليكالىق باسپا ءسوز بەتتەرىندە جارىق كوردى. ازەربايجان، ورىس، قىرعىز تىلدەرىنە اۋدارىلدى.