Qazaqstanda mal sharýashylyǵyn damytý úshin jyldyq mólsherlemesi 6% bolatyn jeńildetilgen nesıe baǵdarlamasy iske qosyldy, dep habarlaıdy Dala News.
Aýyl sharýashylyǵy mınıstrliginiń málimetinshe, bul bastama Memleket basshysynyń mal basyn kóbeıtý, ónimdilikti arttyrý, óńdeýdi damytý jáne eksporttyq áleýetti kúsheıtý jónindegi tapsyrmasy aıasynda ázirlengen.
Baǵdarlama 2026–2030 jyldarǵa arnalǵan mal sharýashylyǵyn damytý jónindegi keshendi jospar sheńberinde iske asyrylyp otyr.
Jeńildetilgen nesıeniń negizgi sharttary:
•jyldyq mólsherleme – 6%;
•salanyń erekshelikterin eskeretin ıkemdi nesıeleý merzimi;
•qarjylandyrýdy «Agrarlyq nesıe korporasıasynyń» fılıaldary, kredıttik seriktestikter jáne ekinshi deńgeıli bankter arqyly alý múmkindigi.
Bólingen qarajat aýyl sharýashylyǵy janýarlaryn satyp alýǵa jáne bordaqylaý alańdaryn damytýǵa baǵyttalady.
Mınıstrlik bul baǵdarlama agrarshylarǵa memlekettik qoldaýdy kúsheıtip, Qazaqstanda mal sharýashylyǵynyń damýyna jańa serpin beredi dep kútýde.
