Kúni keshe ǵana Jarma aýdanyna Qazaqstan Respýblikasy Parlamenti Májilisiniń depýtattyǵyna úmitkerler Irina Ýnjakova men Janat Omarbekova arnaiy kelip, halyqpen kezdesip, saiasi uiymnyń úgit-nasihat jumystaryn júrgizdi.
Elordadan at terletip arnaiy kelgen úmitkerler aýdandaǵy áleýmettik sala qyzmetkerlerimen kezdesti. Budan keiin olar «Nur Otan» partiiasynyń Jarma aýdandyq filialynyń Qoǵamdyq qabyldaý bólmesinde jeke máseleler boiynsha óńir turǵyndaryn qabyldady.
Kezdesý barysynda úmitkerler jinalǵandardy el Parlamentiniń tómengi palatasyndaǵy zań shyǵarý qyzmeti, sondai-aq «Nur Otan» partiiasy men onyń parlamenttik fraktsiiasynyń ótken kezeńdegi jumysy týraly habardar etti. Árine, spikerler partiianyń sailaýaldy baǵdarlamasyn usynyp, onyń negizgi tezisterin jan-jaqty túsindirgenin aita ketýimiz kerek.
Kezdesýler barysynda úmitkerlerge aýyl turǵyndary negizinen, kóp balaly jáne az qamtylǵan otbasylardy, múmkindigi shekteýli jandar jáne áleýmettik qyzmetkerlerdi memlekettik qoldaý máselelerine qatysty suraqtaryn joldap, oilaryn ortaǵa saldy.
(Material aqsy «Nur Otan» partiiasynyń Shyǵys Qazaqstan oblysy Jarma aýdanynyń Sailaý qorynyń esebinen tólendi)
