بۇگىندە ەلىمىزدەگى پارلامەنت ءماجىلىسى مەن جەرگىلىكتى ءماسليحات سايلاۋىنا قاتىستى ۇگىت-ناسيحات جۇمىسى قىزىپ تۇر. ساياسي ناۋقانعان ءتاس-تۇيىن دايىندىقپەن كىرىسكەن «Nur Otan» پارتياسىنىڭ ۇمىتكەر-كانديداتتارى ەل ارالاپ، حالىقپەن كەزدەسىپ، ساياسي ۇيىمنىڭ سايلاۋالدى باعادارلاماسىن جۇرتىشىلىققا تانىستىرىپ، وي بولىسۋدە.

كۇنى كەشە عانا جارما اۋدانىنا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا ۇمىتكەرلەر يرينا ۋنجاكوۆا مەن جانات وماربەكوۆا ارنايى كەلىپ، حالىقپەن كەزدەسىپ، ساياسي ۇيىمنىڭ ۇگىت-ناسيحات جۇمىستارىن جۇرگىزدى.

ەلوردادان ات تەرلەتىپ ارنايى كەلگەن ۇمىتكەرلەر اۋدانداعى الەۋمەتتىك سالا قىزمەتكەرلەرىمەن كەزدەستى. بۇدان كەيىن ولار «Nur Otan» پارتياسىنىڭ جارما اۋداندىق فيليالىنىڭ قوعامدىق قابىلداۋ بولمەسىندە جەكە ماسەلەلەر بويىنشا ءوڭىر تۇرعىندارىن قابىلدادى.

جۋىقتا عانا مۇقتاج وتباسىلارىنا پايدالانۋعا بەرىلگەن اۋدان ورتالىعىنداعى ءتۇرعىن-ۇي نىساندارىن ارالاپ، باسپانالى بولعان جاندارمەن جۇزدەستى.

كەزدەسۋ بارىسىندا ۇمىتكەرلەر جينالعانداردى ەل پارلامەنتىنىڭ تومەنگى پالاتاسىنداعى زاڭ شىعارۋ قىزمەتى، سونداي-اق «Nur Otan» پارتياسى مەن ونىڭ پارلامەنتتىك فراكسياسىنىڭ وتكەن كەزەڭدەگى جۇمىسى تۋرالى حاباردار ەتتى. ارينە، سپيكەرلەر پارتيانىڭ سايلاۋالدى باعدارلاماسىن ۇسىنىپ، ونىڭ نەگىزگى تەزيستەرىن جان-جاقتى تۇسىندىرگەنىن ايتا كەتۋىمىز كەرەك.

كەزدەسۋلەر بارىسىندا  ۇمىتكەرلەرگە اۋىل تۇرعىندارى نەگىزىنەن، كوپ بالالى جانە از قامتىلعان وتباسىلاردى، مۇمكىندىگى شەكتەۋلى جاندار جانە الەۋمەتتىك قىزمەتكەرلەردى مەملەكەتتىك قولداۋ ماسەلەلەرىنە قاتىستى سۇراقتارىن جولداپ، ويلارىن ورتاعا سالدى.

(ماتەريال اقسى «Nur Otan» پارتياسىنىڭ شىعىس قازاقستان وبلىسى جارما اۋدانىنىڭ سايلاۋ قورىنىڭ ەسەبىنەن تولەندى)