Májilis depýtaty Ermurat Bapi fýtbolshy Sherhan Qalmyrzanyń anasyna súisinip jazba qaldyrdy, dep habarlaidy Dalanews.kz.
"Páli, mamasynyń ózin uzatyp jiberetindei eken, á?!" - dep jazǵan depýtat jelidegi paraqshasynda.
Jeli qoldanýshylary "Sizden depýtat myrza mundai jazbany kórý ersi eken...", "Elimizde kúnnen-kúnge benzin baǵasy ósip barady. Qymbatshylyq halyqty qysyp barady. Másele kóterýdiń ornyna ózińiz Sherhannyń mamasyn jazyp otyrsyz. Álde bizde basqa problema qalmady ma? Bapi myrza!" - dep synady.
Al depýtattyń ózi pikirde "Nesi ersi?! Biz de et pen teriden jaralǵan pendemiz!" degen jaýap qaldyrypty.
Dalanews.kz depýtattyń ózimen habarlasýǵa tyrysty, alaida Ermurat Bapi bul jazbasyna qatysty pikir bildirmedi.
Eske salaiyq, buǵan deiin Eýropalyq fýtbol qaýymdastyqtary odaǵy (ÝEFA) "Qairat" qaqpashysy Sherhan Qalmyrzanyń seivin Chempiondar ligasynyń oiyn kúnindegi úzdikterdiń biri dep atady.
Al keshe Almatyda "Qairat" pen "Realdyń" tarihi matchi ótti. Almatylyq klýb qaqpasyna jaýapsyz bes gol soǵyldy.
Oiyn Chempiondar ligasynyń jalpy kezeńiniń ekinshi týry aiasynda ótti. Alǵashqy minýttardan bastap alańǵa qos komandanyń basty juldyzdary – Kilian Mbappe, Vinisiýs Jýnior, Dastan Sátpaev jáne Sherhan Qalmyrza shyqty.
