Aqtóbede AMANAT partiiasy atynan sailanǵan qalalyq máslihat depýtaty Aslan Qaiyrǵalievke toidaǵy áreketi úshin sógis jariialandy, dep habarlaidy Dalanews.kz.
Áleýmettik jelide taraǵan videoda sheneýnik qalyń jurttyń kózinshe býma-býma aqshany betashar tabaǵyna maqtanyshpen salyp jatqany kórinedi. Bul jaǵdai qoǵamda qyzý talqyǵa túsip, synǵa ushyrady.
Aita keteiik, depýtattyń ákesi Asqar Qaiyrǵaliev qazirgi ýaqytta Aqtóbe oblysyndaǵy Oiyl aýdany ákimi qyzmetin atqarady.
Oqiǵaǵa qatysty túsinikteme bergen Aslan Qaiyrǵaliev atalǵan qarajattyń ózine tiesili emes ekenin, ony dostary ortaq syilyq retinde jinaǵanyn aitty. Sonymen qatar, ol AMANAT partiiasynyń depýtaty retinde kópshilik aldynda orynsyz áreketke jol bergenin moiyndap, aldaǵy ýaqytta mundai jaǵdaidy qaitalamaýǵa ýáde berdi.
