Májilis depýtaty Edil Janbyrshin qańǵybas janýarlarǵa qatysty zań jónindegi ustanymyn ózgertpeitinin málimdedi, dep habarlaidy Dalanews.kz.
Depýtattyń aitýynsha, buǵan deiin Facebook jelisinde jariialaǵan pikiri ózgerissiz qalady. Ol zańdaǵy barlyq normalar aldyn ala ázirlengenin jáne onda memleket basshysy kótergen máseleler eskerilgenin atap ótti.
Sonymen qatar Janbyrshin prezidenttiń sózin burmalaýǵa bolmaitynyn aityp, zańǵa ózgeris engizilmeitinin jetkizdi.
Ol buǵan deiin elde janýarlardy aýlap, keiin qaita jiberý tájiribesi qoldanylǵanyn eske saldy. Alaida depýtattyń sózinshe, bul tásil kútken nátije bermegen.
Osyǵan deiin janýarlardy qorǵaýshy bloger Temirlan Tospaev Qazaqstan prezidentin janýarlarǵa qatygezdik jasaýǵa jol ashýy múmkin normalardyń qabyldanýyna jol bermeýge shaqyrǵan edi.
Qazir Májiliste "Janýarlarǵa jaýapkershilikpen qaraý týraly" zańǵa túzetýler talqylanyp jatyr. Onda "aýlaý – zararsyzdandyrý – vaktsinatsiialaý – qaita jiberý" ádisinen bas tartý usynylǵan.
Depýtattardyń pikirinshe, bul model qańǵybas janýarlar sanyn azaitýda da, adamdarǵa shabýyl jaǵdailaryn tómendetýde de tiimdi bolmaǵan.
