Majarstannyń OTP Bank-i Qazaqstan naryǵyna enýi múmkin. Buǵan deiin bul rette tek boljamdar keltirilse, endi muny elshilik resmi túrde rastap, búgingi tańda kelissózder júrgizilip jatqanyn jetkizdi, dep habarlaidy Dalanews.kz.
Bul týraly Aqordada Vengriiadaǵy Qazaqstannyń Tótenshe jáne ýákiletti elshisi Abzal Saparbekuly aitty.
"Búginde birqatar iri majar kompaniialarymen kelissózder jalǵasýda. Onyń ishinde osy eldiń iri banki — OTP Bank-tiń Qazaqstan naryǵyna shyǵýy boiynsha kelissózder júrip jatyr. Sonymen qatar, Qazaqstanǵa majarlyq telekommýnikatsiialyq jáne ǵaryshtyq IT-kompaniia da keldi. Olardyń Astanaǵa sapary barysynda "Qazaqstan ǵarysh sapary", "Qazaqtelekommen" birlesken jobalary, sondai-aq qorǵanys ónerkásibi salasyndaǵy yntymaqtastyq týraly kelissózder qolǵa alyndy. Sonymen qatar, munai-gaz salasynda jumys isteitin MOL kompaniiasy elimizdiń gaz sektoryna iri investitsiialar quiý nieti boiynsha kelissózder júrgizýde", dep Kazinform Abzal Saparbekulynyń sózin keltiredi.
Aita ketsek, aldymen Qarjy naryǵyn retteý jáne damytý agenttiginiń (QNRDA) basshysy Mádina Ábilqasymova Shyǵys Eýropadaǵy bankterdiń biri Qazaqstanda iri bankterdiń birin satyp alýdy josparlap otyrǵanyn aitqan edi.
Al tanymal qarjyger Ǵalym Qusaiynov bul arada satyp alýshy – majarlyq OTP Bank (Vengriia), al satylymǵa qoiylǵany ForteBank bolýy múmkin ekenin aityp, óz boljamymen bólisken.
"Eger elimizdegi iri degen 10 bankti alyp qarastyrsaq, Halyq tym úlken, al Kaspii bolsa, tym qymbatqa túsedi, kerisinshe olar ózderi bank satyp alyp jatyr, BTsK da emes, óitkeni olardyń aktsionerlerin men jaqsy tanimyn, Jýsan bolsa, ony jýyrda ǵana sattyq, Eýraziialyq bank deiik desek, ái qaidam, olardyń óz basynda problemasy jeterlik. "Berekeni" qatarlyqtarǵa berdik. Sonda RBK men Forte qalady. Eger satyp alýshy OTR dep qarastyrsaq, óitkeni bizdiń naryqqa kelýge nietti sol ǵana, al ol bólshek qyzmetpen ainalysatyn bank, demek, bul HSB-ny satyp alǵan Forte bolady", dep jazdy maman Threads-tegi paraqshasynda.
Sondai-aq satylymǵa Forte emes, Eýraziialyq bank qoiylýy múmkin degen boljam da bar.
Aita ketsek, kúni keshe elimizge resmi saparmen Majarstan prezidenti Tamash Shýiok kelgen bolatyn. Eki el arasyndaǵy 2024 jyly taýar ainalymy shamamen 200 million dollarǵa jetip, al biylǵy segiz aida 22 paiyz ósken (164,5 million dollar. Búginde Qazaqstan ekonomikasyna 400 million dollarǵa jýyq investitsiia salǵan 35-ten asa majar kompaniiasy jumys istep jatyr.
