Qazaqstandyqtardyń kóbi avtolizingti avtonesiege balama tásil retinde kóredi. Ónerkásip jáne qurylys ministrliginiń komitet tóraǵasy Azamat Panbaev bul ekeýiniń negizgi aiyrmashylyqtaryn túsindirip berdi, dep habarlaidy Dalanews.kz.
Onyń aitýynsha, lizing – banktegi nesiemen salystyrǵanda ikemdirek jáne qoljetimdi qural. Negizgi aiyrmashylyq: kólik tolyq tólengenge deiin lizing kompaniiasynyń menshiginde qala beredi.
"Lizing kezinde múlik klientke berilmeidi, ol tolyq tólem jasalǵansha lizing kompaniiasynyń menshiginde bolady", - dedi Panbaev.
Bul júieniń basty artyqshylyǵy – qajet bolǵan jaǵdaida lizing nysanyn aýystyrý múmkindigi. Eger shartta kórsetilse, klient óz kóligin basqa modelge nemese nusqaǵa aýystyra alady.
"Klienttiń suranysyna qarai lizing nysnany kez kelgen ýaqytta aýystyrýǵa múmkindik bar", - dedi sheneýnik.
Sonymen qatar, lizing rásimdeý kezinde nesie tarihyna qoiylatyn talaptar da jeńildetilgen. Sondyqtan bul qural bank aldyndaǵy tólem qabiletine senimsizdik tanytatyn azamattar úshin de yńǵaily.
"Lizingti rásimdeý kezinde klienttiń nesie tarihy sheshýshi ról atqarmaidy. Onyń mindettemeleri kredit esebinde kórinbeidi. Bul – basty aiyrmashylyqtardyń biri", - dep túsindirdi Panbaev.
