قازاقستاندىقتاردىڭ كٶبٸ اۆتوليزينگتٸ اۆتونەسيەگە بالاما تەسٸل رەتٸندە كٶرەدٸ. ٶنەركەسٸپ جەنە قۇرىلىس مينيسترلٸگٸنٸڭ كوميتەت تٶراعاسى ازامات پانباەۆ بۇل ەكەۋٸنٸڭ نەگٸزگٸ ايىرماشىلىقتارىن تٷسٸندٸرٸپ بەردٸ, دەپ حابارلايدى Dalanews.kz.
ونىڭ ايتۋىنشا, ليزينگ – بانكتەگٸ نەسيەمەن سالىستىرعاندا يكەمدٸرەك جەنە قولجەتٸمدٸ قۇرال. نەگٸزگٸ ايىرماشىلىق: كٶلٸك تولىق تٶلەنگەنگە دەيٸن ليزينگ كومپانيياسىنىڭ مەنشٸگٸندە قالا بەرەدٸ.
"ليزينگ كەزٸندە مٷلٸك كليەنتكە بەرٸلمەيدٸ, ول تولىق تٶلەم جاسالعانشا ليزينگ كومپانيياسىنىڭ مەنشٸگٸندە بولادى", - دەدٸ پانباەۆ.
بۇل جٷيەنٸڭ باستى ارتىقشىلىعى – قاجەت بولعان جاعدايدا ليزينگ نىسانىن اۋىستىرۋ مٷمكٸندٸگٸ. ەگەر شارتتا كٶرسەتٸلسە, كليەنت ٶز كٶلٸگٸن باسقا مودەلگە نەمەسە نۇسقاعا اۋىستىرا الادى.
"كليەنتتٸڭ سۇرانىسىنا قاراي ليزينگ نىسنانى كەز كەلگەن ۋاقىتتا اۋىستىرۋعا مٷمكٸندٸك بار", - دەدٸ شەنەۋنٸك.
سونىمەن قاتار, ليزينگ رەسٸمدەۋ كەزٸندە نەسيە تاريحىنا قويىلاتىن تالاپتار دا جەڭٸلدەتٸلگەن. سوندىقتان بۇل قۇرال بانك الدىنداعى تٶلەم قابٸلەتٸنە سەنٸمسٸزدٸك تانىتاتىن ازاماتتار ٷشٸن دە ىڭعايلى.
"ليزينگتٸ رەسٸمدەۋ كەزٸندە كليەنتتٸڭ نەسيە تاريحى شەشۋشٸ رٶل اتقارمايدى. ونىڭ مٸندەتتەمەلەرٸ كرەديت ەسەبٸندە كٶرٸنبەيدٸ. بۇل – باستى ايىرماشىلىقتاردىڭ بٸرٸ", - دەپ تٷسٸندٸردٸ پانباەۆ.
