Los-Andjeleste orman órtenip, saldarynan 10 adam qaza tapty, dep habarlaidy Dalanews.kz.
Fox News telearnasynyń málimetinshe, 10 myńnan astam úi otqa oranǵan. Al órtengen aýmaqtyń jalpy kólemi 12 myń gektardan asty.
Aita keteiik, Kaliforniia shtatyndaǵy orman órti 7 qańtarda bastaldy. Bul myńdaǵan adamnyń ómirine qaýip tóndirip otyr. Jalpy alǵanda, jeti iri órt oshaǵy tirkelgen, olardyń biri Los-Andjelestiń áigili Gollivýd tóbelerin sharpyǵan. Sondai-aq órtten shoý-biznes juldyzdarynyń elitalyq úileri de zardap shekti. Aldyn ala baǵalaý boiynsha, materialdyq shyǵyn 50 milliard dollardan asady.
Jaǵdai áli de kúrdeli. Apat bolǵan aimaqtan 180 myńnan astam adamdy shuǵyl evakýatsiialaý týraly buiryq berildi. Jergilikti bilik pen qutqarýshylar órtti aýyzdyqtaý úshin bar kúshin salyp jatyr. Alaida apat ázirge basylmai tur.
Sonymen qatar Los-Andjeles politsiiasy men qutqarýshylary órtpen ǵana emes, qylmyspen de kúresip jatyr. Olar evakýatsiialanǵan turǵyndardyń úilerin tonady degen kúdikpen 20 marodiordy ustady.
Eske salaiyq, buǵan deiin “Halyqaralyq baǵdarlamalar ortalyǵy” AQ – “Bolashaq” baǵdarlamasynyń ákimshisi Kaliforniia shtatynda oryn alyp jatqan órtke bailanysty málimdeme jasaǵan edi.
“Halyqaralyq baǵdarlamalar ortalyǵy” AQ Kaliforniia shtatyndaǵy orman órtimen bailanysty jaǵdaidy muqiiat baqylaýda. AQSh-tyń Kaliforniia shtatynda Qazaqstannyń 73 stipendiaty bilim alyp jatyr, onyń ishinde “Bolashaq” baǵdarlamasy boiynsha 56 stýdent jáne “Ǵylymi taǵylymdama” baǵdarlamasy boiynsha 17 stýdent oqýǵa barǵan”, – delingen juma kúngi habarlamada.
Málimdemede barlyq stipendiattyń qaýipsiz jerde ekeni jáne kýratorlarmen bailanysta ekeni aitylǵan.
“Stipendiattar jergilikti bilik usynǵan nusqaýlyqtardy oryndap, bizdi jaǵdai týraly jedel habardar etip otyr. Biz ýniversitettermen turaqty bailanystamyz jáne kez kelgen ózgeristerge daiynbyz", – dep sendirdi ortalyq.
Sonymen qatar stipendiattarǵa qaýipsizdik sharalaryn qatań saqtaý qajettigin eskertti.
