Ulybritaniiadaǵy tehnikalyq aqaýǵa bailanysty Almaty – London baǵyty boiynsha ushqan Air Astana áýe kompaniiasynyń reisi Germaniianyń Frankfýrt qalasyndaǵy áýejaiǵa baǵyttaldy, dep habarlaidy dalanews.kz.
Áýe kompaniiasynyń málimetinshe, ushaq bortynda 138 jolaýshy bolǵan. Reistiń ushýy aldyn ala kelesi kúnniń tańyna, UTC ýaqyty boiynsha saǵat 11:30-ǵa (Astana ýaqytymen 16:00) shegerildi.
Air Astana habarlaýynsha, jolaýshylardyń 67-sinde jaramdy Shengen vizasy joq. Osyǵan bailanysty olar Frankfýrt áýejaiynyń tranzittik aimaǵynda qalýǵa mindetti. Kútý ýaqytynda barlyq jolaýshyǵa tamaq pen sýsyn alýǵa arnalǵan vaýcherler taratylǵan.
BBC málimetinshe, aqaý Ulybritaniianyń Nats kompaniiasynyń júiesinde tirkelgen. Bul kompaniia áýe dispetcherlerine arnalǵan ushý josparlary men ózge de jedel aqparattardy óńdeýmen ainalysady.
Tehnikalyq irkilis saldarynan myńǵa jýyq reis toqtatylǵan. Sonymen qatar Londondaǵy Hitroý áýejaiyna baǵyt alǵan 13 reis Ulybritaniia men Eýropanyń basqa áýejailaryna jiberilgen. Osyndai qiyndyqtar týraly Shotlandiia men Irlandiianyń áýe ailaqtary da habarlaǵan.
