ۇلىبريتانيياداعى تەحنيكالىق اقاۋعا بايلانىستى الماتى – لوندون باعىتى بويىنشا ۇشقان Air Astana ەۋە كومپانيياسىنىڭ رەيسٸ گەرمانييانىڭ فرانكفۋرت قالاسىنداعى ەۋەجايعا باعىتتالدى, دەپ حابارلايدى dalanews.kz.
ەۋە كومپانيياسىنىڭ مەلٸمەتٸنشە, ۇشاق بورتىندا 138 جولاۋشى بولعان. رەيستٸڭ ۇشۋى الدىن الا كەلەسٸ كٷننٸڭ تاڭىنا, UTC ۋاقىتى بويىنشا ساعات 11:30-عا (استانا ۋاقىتىمەن 16:00) شەگەرٸلدٸ.
Air Astana حابارلاۋىنشا, جولاۋشىلاردىڭ 67-سٸندە جارامدى شەنگەن ۆيزاسى جوق. وسىعان بايلانىستى ولار فرانكفۋرت ەۋەجايىنىڭ ترانزيتتٸك ايماعىندا قالۋعا مٸندەتتٸ. كٷتۋ ۋاقىتىندا بارلىق جولاۋشىعا تاماق پەن سۋسىن الۋعا ارنالعان ۆاۋچەرلەر تاراتىلعان.
BBC مەلٸمەتٸنشە, اقاۋ ۇلىبريتانييانىڭ Nats كومپانيياسىنىڭ جٷيەسٸندە تٸركەلگەن. بۇل كومپانييا ەۋە ديسپەتچەرلەرٸنە ارنالعان ۇشۋ جوسپارلارى مەن ٶزگە دە جەدەل اقپاراتتاردى ٶڭدەۋمەن اينالىسادى.
تەحنيكالىق ٸركٸلٸس سالدارىنان مىڭعا جۋىق رەيس توقتاتىلعان. سونىمەن قاتار لوندونداعى حيتروۋ ەۋەجايىنا باعىت العان 13 رەيس ۇلىبريتانييا مەن ەۋروپانىڭ باسقا ەۋەجايلارىنا جٸبەرٸلگەن. وسىنداي قيىندىقتار تۋرالى شوتلاندييا مەن يرلاندييانىڭ ەۋە ايلاقتارى دا حابارلاعان.
