Lepsi aýylynyń ákimi esep berdi
Okrýgte ótken 2020 jyldyń 9 aiy boiynsha barlyq negizgi baǵyttar boiynsha ekonomikalyq ósý qarqyny saqtalǵan.
Biylǵy jyldyń 9 aiynda okrýg ákiminiń atyna jeke jáne zańdy tulǵalardan 24 jazbasha ótinish túsip, qanaǵattandyrylǵan.
Turǵyndarǵa barlyǵy 144 memlekettik qyzmetter kórsetilgen.
– Okrýg halqy negizinen egin jáne mal sharýashylyǵymen ainalysady. Jalpy okrýgte 52 sharýa qojalyǵy, 1 JShS, 1 naýbaihana bar. Osy jyly 2140 gektar jerge aýylsharýashylyq daqyldary sebildi. Al, mal sharýashylyǵyna kelsek, okrýgte 1315 bas iri qara, onyń ishinde 852 bas siyr, 2838 bas qoi-eshki, 421 bas jylqy jáne 7840 bas qus bar. Qysqy mal azyǵyn daiyndaý jumystary tolyǵymen aiaqtaldy, – deidi Lepsi aýyldyq okrýginiń ákimi.
Aǵymdaǵy jyly okrýgte jańa 9 turaqty, 25 ýaqytsha jumys oryndary ashylǵan.
«Jumyspen qamtýdyń jol kartasy – 2020» baǵdarlamasy aiasynda okrýgke qarasty Baizerek aýyldyq negizgi orta mektebiniń ishki dárethanalaryna 1mln 600 myń teńge qarajatqa jóndeý jumystary júrgizilgen.
Kógaldandyrý-abattandyrý jumystary boiynsha aýylda 20 túp qaraǵai aǵashtary otyrǵyzylǵan. Aldaǵy ýaqytta taǵy 50 túp otyrǵyzý josparlanýda.
