وكرۋگتە وتكەن 2020 جىلدىڭ 9 ايى بويىنشا بارلىق نەگىزگى باعىتتار بويىنشا ەكونوميكالىق ءوسۋ قارقىنى ساقتالعان.
بيىلعى جىلدىڭ 9 ايىندا وكرۋگ اكىمىنىڭ اتىنا جەكە جانە زاڭدى تۇلعالاردان 24 جازباشا ءوتىنىش ءتۇسىپ، قاناعاتتاندىرىلعان.
تۇرعىندارعا بارلىعى 144 مەملەكەتتىك قىزمەتتەر كورسەتىلگەن.
– وكرۋگ حالقى نەگىزىنەن ەگىن جانە مال شارۋاشىلىعىمەن اينالىسادى. جالپى وكرۋگتە 52 شارۋا قوجالىعى، 1 ج ش س، 1 ناۋبايحانا بار. وسى جىلى 2140 گەكتار جەرگە اۋىلشارۋاشىلىق داقىلدارى سەبىلدى. ال، مال شارۋاشىلىعىنا كەلسەك، وكرۋگتە 1315 باس ءىرى قارا، ونىڭ ىشىندە 852 باس سيىر، 2838 باس قوي-ەشكى، 421 باس جىلقى جانە 7840 باس قۇس بار. قىسقى مال ازىعىن دايىنداۋ جۇمىستارى تولىعىمەن اياقتالدى، – دەيدى لەپسى اۋىلدىق وكرۋگىنىڭ اكىمى.
اعىمداعى جىلى وكرۋگتە جاڭا 9 تۇراقتى، 25 ۋاقىتشا جۇمىس ورىندارى اشىلعان.
«جۇمىسپەن قامتۋدىڭ جول كارتاسى – 2020» باعدارلاماسى اياسىندا وكرۋگكە قاراستى بايزەرەك اۋىلدىق نەگىزگى ورتا مەكتەبىنىڭ ىشكى دارەتحانالارىنا 1ملن 600 مىڭ تەڭگە قاراجاتقا جوندەۋ جۇمىستارى جۇرگىزىلگەن.
كوگالداندىرۋ-اباتتاندىرۋ جۇمىستارى بويىنشا اۋىلدا 20 ءتۇپ قاراعاي اعاشتارى وتىرعىزىلعان. الداعى ۋاقىتتا تاعى 50 ءتۇپ وتىرعىزۋ جوسپارلانۋدا.
