Forbes-tiń jahandyq reitingine TMD elderinen 11 milliarder endi. Olardyń arasynda bes qazaqstandyq bar. Bul týraly forbes.ru habarlaidy.
Reitingtegi eń bai kásipker – Bidzina Ivanishvili. Onyń múlki $4,8 mlrd-qa baǵalanǵan. Qalǵan on milliarder Ýkraina men Qazaqstan elinen.
Sonymen, tizimge sáikes, eń qaltaly bes qazaqstandyq retinde Vladimir Kim, Bolat Ótemuratov, Timýr Qulybaev, Dinara Qulybaeva jáne Ádiljan Ibragimovtiń esimderi atalǵan.
Olardyń múlikteriniń jalpy somasy $9,3 mlrd-ty quraidy.
Vladimir Kim
Besinshi orynda – mys magnaty Vladimir Kim. Onyń múlki 1,7 mlrd dollardy quraidy. Ol jyl ishinde taǵy 300 mln-ǵa baii túsken.
Ol – qymbat metaldar óńdeýmen ainalysatyn “KAZ Minerals” tobynyń prezidenti ári iri aktsioneri.
Bolat Ótemuratov
Qazaqstandyq kásipker Ótemuratovtyń bailyǵy ótken jylǵymen salystyrǵanda 100 mln teńgege arta túsken. Búginde onyń múlikteri 2,4 mlrd dollarǵa baǵalanyp otyr.
Ótemuratov – Qazaqstan tennisi federatsiiasynyń prezidenti, ITF (International Tennis Federation) direktorlar keńesiniń múshesi, kásipker, diplomat.
Sonymen qatar, ol Almatyda jáne Astanada balalarǵa arnalǵan Haileybury mektepteriniń negizin qalaýshy. Onyń alǵashqy iri jobasy – “ATF Bankiniń” damýy. Birneshe jyl ishinde kóterilgen banktiń búginde 160 bólimshesi bar.
Timýr men Dinara Qulybaevtar
Ekinshi jáne úshinshi orynǵa Qulybaevtar otbasy jaiǵasty. Olar da daǵdarysqa qaramastan, bir jyl ishinde 100 mln teńgege baii túsken. Olardyń múlki búginde 2,1 mlrd dollarǵa baǵalanyp otyr.
“Qazaqstan halyq jinaq bankin” baqylaityn “ALMEKS” toby Qulybaevtarǵa tiesili.
Ádiljan Ibragimov
ERG (burynǵy ENRC) qojaiyndarynyń biri reitingte tórtinshi orynǵa jaiǵasty. Onyń bailyǵy 1,8 mlrd dollardy quraidy.
Ádiljan Ibragimov 1989 jyldan bastap Qazaqstanda óz kásibin ashqan. Eýraziialyq banktiń direktorlar keńesiniń tóraǵasy bolǵan. 2002 jyldan bastap “Qazhrom” prezidenti. Kásipker – “eýraziialyq úshtiktiń” jalǵyz qazaqstandyq ókili.
Irina Telitsynanyń materialynan aýdaryldy.
