Forbesء-تىڭ جاھاندىق رەيتينگىنە تمد ەلدەرىنەن 11 ميللياردەر ەندى. ولاردىڭ اراسىندا بەس قازاقستاندىق بار. بۇل تۋرالى forbes.ru   حابارلايدى.

رەيتينگتەگى ەڭ باي كاسىپكەر – بيدزينا يۆانيشۆيلي. ونىڭ مۇلكى $4،8 ملرد-قا باعالانعان. قالعان ون ميللياردەر ۋكراينا مەن قازاقستان ەلىنەن.

سونىمەن، تىزىمگە سايكەس، ەڭ قالتالى بەس قازاقستاندىق رەتىندە ۆلاديمير كيم، بولات وتەمۇراتوۆ، تيمۋر قۇلىبايەۆ، دينارا قۇلىبايەۆا جانە ءادىلجان يبراگيموۆتىڭ ەسىمدەرى اتالعان.

ولاردىڭ مۇلىكتەرىنىڭ جالپى سوماسى $9،3 ملرد-تى قۇرايدى.

ۆلاديمير كيم

بەسىنشى ورىندا – مىس ماگناتى ۆلاديمير كيم. ونىڭ مۇلكى 1،7 ملرد دوللاردى قۇرايدى. ول جىل ىشىندە تاعى 300 ملن-عا بايي تۇسكەن.

ول – قىمبات مەتالدار وڭدەۋمەن اينالىساتىن “KAZ Minerals” توبىنىڭ پرەزيدەنتى ءارى ءىرى اكسيونەرى.

بولات وتەمۇراتوۆ

قازاقستاندىق كاسىپكەر وتەمۇراتوۆتىڭ بايلىعى وتكەن جىلعىمەن سالىستىرعاندا 100 ملن تەڭگەگە ارتا تۇسكەن. بۇگىندە ونىڭ مۇلىكتەرى 2،4 ملرد دوللارعا باعالانىپ وتىر.

وتەمۇراتوۆ – قازاقستان تەننيسى فەدەراسياسىنىڭ پرەزيدەنتى، ITF (International Tennis Federation) ديرەكتورلار كەڭەسىنىڭ مۇشەسى، كاسىپكەر، ديپلومات.

سونىمەن قاتار، ول الماتىدا جانە استانادا بالالارعا ارنالعان Haileybury مەكتەپتەرىنىڭ نەگىزىن قالاۋشى. ونىڭ العاشقى ءىرى جوباسى – “اتف بانكىنىڭ” دامۋى. بىرنەشە جىل ىشىندە كوتەرىلگەن بانكتىڭ بۇگىندە 160 بولىمشەسى بار.

تيمۋر مەن دينارا قۇلىبايەۆتار

ەكىنشى جانە ءۇشىنشى ورىنعا قۇلىبايەۆتار وتباسى جايعاستى. ولار دا داعدارىسقا قاراماستان، ءبىر جىل ىشىندە 100 ملن تەڭگەگە بايي تۇسكەن. ولاردىڭ مۇلكى بۇگىندە 2،1 ملرد دوللارعا باعالانىپ وتىر.



“قازاقستان حالىق جيناق بانكىن” باقىلايتىن “المەكس” توبى قۇلىبايەۆتارعا تيەسىلى.

ءادىلجان يبراگيموۆ

ERG (بۇرىنعى ENRC) قوجايىندارىنىڭ ءبىرى رەيتينگتە ءتورتىنشى ورىنعا جايعاستى. ونىڭ بايلىعى 1،8 ملرد دوللاردى قۇرايدى.

ءادىلجان يبراگيموۆ 1989 جىلدان باستاپ قازاقستاندا ءوز كاسىبىن اشقان. ەۋرازيالىق بانكتىڭ ديرەكتورلار كەڭەسىنىڭ ءتوراعاسى بولعان. 2002 جىلدان باستاپ “قازحروم” پرەزيدەنتى. كاسىپكەر – “ەۋرازيالىق ۇشتىكتىڭ” جالعىز قازاقستاندىق وكىلى.

يرينا تەليسىنانىڭ ماتەريالىنان اۋدارىلدى.