Ekologiia ministrligi jaqyn ailarda kiik múiizderin aýktsion arqyly satýdy josparlap otyr, dep habarlaidy Dala News.
Ekologiia jáne tabiǵi resýrstar ministri Erlan Nysanbaevtyń aitýynsha, Qazaqstan kiik múiizine qatysty nóldik kvotany alyp tastaý týraly sheshimge qol jetkizgenimen, belgili bir shekteýler saqtalady.
«Jylyna 10 tonnaǵa deiin satýǵa quqyǵymyz bar. Samarqandta ótken konventsiia otyrysynyń sheshimine sáikes. Biyl Saýda ministrligimen birge iske asyrý tetigin pysyqtap jatyrmyz. Bir-eki ai ishinde aýktsion jariialap, múiizderdi satýdy bastaimyz. Túsken qarajat bioalýantúrlilikti saqtaý, kiikterdi qorǵaý, kólik satyp alý jáne sharýashylyqtardy materialdyq-tehnikalyq qamtamasyz etýge jumsalady», – dedi ministr Májilis kýlýarynda.
Ministrdiń málimetinshe, Qazaqstandaǵy qoimalarda 20 tonnadan astam kiik múiizi saqtaýly. Olardyń árqaisysy arnaiy tańbalanyp, jeke identifikatsiialyq nómirmen tirkelgen.
Sonymen qatar Nysanbaev kiik sanyn retteý jumystary jalǵasatynyn aityp, bul protsesti «joiý» dep ataýǵa bolmaitynyn atap ótti.
Onyń sózinshe, kiik popýliatsiiasyn saqtaýǵa baǵyttalǵan sharalar nátijesinde aýyl sharýashylyǵy salasyna aitarlyqtai shyǵyn keltiretin jańa másele paida bolǵan.
