ەكولوگييا مينيسترلٸگٸ جاقىن ايلاردا كيٸك مٷيٸزدەرٸن اۋكتسيون ارقىلى ساتۋدى جوسپارلاپ وتىر, دەپ حابارلايدى Dala News.
ەكولوگييا جەنە تابيعي رەسۋرستار مينيسترٸ ەرلان نىسانباەۆتىڭ ايتۋىنشا, قازاقستان كيٸك مٷيٸزٸنە قاتىستى نٶلدٸك كۆوتانى الىپ تاستاۋ تۋرالى شەشٸمگە قول جەتكٸزگەنٸمەن, بەلگٸلٸ بٸر شەكتەۋلەر ساقتالادى.
«جىلىنا 10 تونناعا دەيٸن ساتۋعا قۇقىعىمىز بار. سامارقاندتا ٶتكەن كونۆەنتسييا وتىرىسىنىڭ شەشٸمٸنە سەيكەس. بيىل ساۋدا مينيسترلٸگٸمەن بٸرگە ٸسكە اسىرۋ تەتٸگٸن پىسىقتاپ جاتىرمىز. بٸر-ەكٸ اي ٸشٸندە اۋكتسيون جارييالاپ, مٷيٸزدەردٸ ساتۋدى باستايمىز. تٷسكەن قاراجات بيوالۋانتٷرلٸلٸكتٸ ساقتاۋ, كيٸكتەردٸ قورعاۋ, كٶلٸك ساتىپ الۋ جەنە شارۋاشىلىقتاردى ماتەريالدىق-تەحنيكالىق قامتاماسىز ەتۋگە جۇمسالادى», – دەدٸ مينيستر مەجٸلٸس كۋلۋارىندا.
مينيستردٸڭ مەلٸمەتٸنشە, قازاقستانداعى قويمالاردا 20 توننادان استام كيٸك مٷيٸزٸ ساقتاۋلى. ولاردىڭ ەرقايسىسى ارنايى تاڭبالانىپ, جەكە يدەنتيفيكاتسييالىق نٶمٸرمەن تٸركەلگەن.
سونىمەن قاتار نىسانباەۆ كيٸك سانىن رەتتەۋ جۇمىستارى جالعاساتىنىن ايتىپ, بۇل پروتسەستٸ «جويۋ» دەپ اتاۋعا بولمايتىنىن اتاپ ٶتتٸ.
ونىڭ سٶزٸنشە, كيٸك پوپۋلياتسيياسىن ساقتاۋعا باعىتتالعان شارالار نەتيجەسٸندە اۋىل شارۋاشىلىعى سالاسىنا ايتارلىقتاي شىعىن كەلتٸرەتٸن جاڭا مەسەلە پايدا بولعان.
