Qazaqstannyń Halyq ártisi, belgili kúishi Seken Kárimuly Turysbekov Semei qalasyndaǵy Ámire Qashaýbaev atyndaǵy memlekettik filarmoniiany basqarýǵa kiristi, dep habarlaidy Dalanews.kz.
Óner qairatkeri 1961 jyly Abai oblysynyń Úrjar aýdanynda dúniege kelgen. Ol aldymen Semeidegi Muqan Tólebaev atyndaǵy mýzyka ýchilishesinde bilim alyp, keiin Qurmanǵazy atyndaǵy Qazaq ulttyq konservatoriiasyn professor Maqsat Áýbákirovtiń klasynda támamdaǵan.
Seken Turysbekovtiń óner salasyndaǵy eńbek ótili 40 jylǵa jýyq. Ol «Jiger» festivaliniń, sondai-aq Máskeýde ótken jastar men stýdentterdiń dúniejúzilik festivaliniń laýreaty. Sonymen qatar Qazaqstan Lenin komsomoly syilyǵynyń iegeri, Qazaqstannyń eńbek sińirgen ártisi, Qurmet jáne Parasat ordenderimen marapattalǵan.
Belgili kúishi Abai atyndaǵy Memlekettik syilyqtyń laýreaty jáne Qazaqstannyń Halyq ártisi ataǵynyń iegeri.
Óner jolyn «Sazgen» ansamblinen bastaǵan ol keiin «Aq jaýyn» ansambli men orkestrin quryp, ujymnyń halyqaralyq deńgeide tanylýyna úles qosty.
