Peterbýrgtik kriptovaliýtalyq platforma negizin qalaýshy Roman Novak pen onyń áielin BAÁ-de urlap, óltirgen. Qylmystyń boljamdy sebebi – aqsha bopsalaý. Buǵan deiin Novakty investorlardy 500 mln dollar kóleminde aldady dep aiyptaǵan, dep habarlaidy Dalanews.kz DW absylymyna silteme jasap.
Sankt-Peterbýrgten shyqqan kriptoinvestor Roman Novak pen onyń áieli Anna BAÁ-de óltirilgen. Bul týraly juma, 7 qarasha kúni peterbýrgtik «Fontanka» jáne 78.ru basylymdary derekkózderge silteme jasap habarlady.
Basylymdardyń dereginshe, erli-zaiypty bir ai shamasynda týystarymen bailanysqa shyqpaǵan. «Fontanka» málimetinshe, Roman men Annany Hatta qalasynyń shetinde jalǵa alynǵan villada óltirgen. Olar sol jerge investorlarmen kezdesemiz dep oilap kelgen. Qylmystyń boljamdy sebebi – aqsha bopsalaý.
Qylmyskerler Novaktiń kriptámiianyn almaq bolǵan, onda olardyń oiynsha milliardtaǵan dollar bar edi. Alaida ámiian bos bolyp shyqqan. Osydan keiin Roman men Annany óltirip, denelerin bólshektep, paketterge salyp tastaǵan. Paketterdi Hattadaǵy saýda ortalyǵynyń mańyndaǵy ártúrli konteinerlerge tastap ketken.
RF Tergeý komiteti is qozǵady
RF Tergeý komitetiniń Sankt-Peterbýrgtegi Bas tergeý basqarmasy BAÁ-de «habar-osharsyz joǵalǵan» erli-zaiyptynyń ólimi boiynsha qylmystyq is qozǵalǵanyn habarlady. Vedomstvo esimderin atamady. Is týystarynyń aryzy negizinde qozǵalǵan.
Is boiynsha segiz adam ustaldy
«Fontanka» dereginshe, is aiasynda segiz adam ustalǵan. Olardyń keminde úsheýi Sankt-Peterbýrgten. Tergeý úsh er adamdy - 44, 46 jáne 53 jastaǵy - qylmystyń tikelei uiymdastyrýshylary jáne oryndaýshylary dep esepteidi. Taǵy tórteýi kólik pen villa jaldaǵan, pyshaq satyp alǵan jáne Roman men Annamen bailanysta bolǵan. Segizinshi adamnyń róli naqty kórsetilmegen.
47.ru dereginshe, qylmysty 53 jastaǵy Konstantin, 46 jastaǵy Iýrii jáne 45 jastaǵy Vladimir uiymdastyrǵan. Familiialary aitylmaidy. Eki úlkeni - Leningradtan, úshinshisi - Qazaqstannyń Temirtaý qalasynan. Olar qylmystan keiin Sankt-Peterbýrgke qaityp kelgende ustalǵan.
7 qarashada Sankt-Peterbýrgtiń Oktiabr aýdandyq soty úsh kúdiktini - Konstantin Shahtany, Iýrii Sharypovty jáne Vladimir Daliokindi tutqyndaý týraly sheshim shyǵardy. Olar 28 jeltoqsanǵa deiin qamaýda bolady. Shahta men Daliokin kinásin moiyndamady, Sharypov kinásin jartylai moiyndaǵan. Protsess jabyq rejimde ótti.
Roman Novak ltuty kim?
Roman Novak jyldam kriptovaliýta aýdarymdaryna arnalǵan Fintopio qosymshasynyń negizin qalaýshy retinde tanymal. Jobaǵa ol shamamen 500 mln dollar investitsiia tartqan, keiin aqshamen birge joǵalyp ketken, dep jazady 78.ru. Fintopio qyzmetkerleri jalaqysyz qalǵan, al investorlar - Qytai men Taiaý Shyǵys biznesmenderi - óz qarajatynan aiyrylǵan.
Investorlardy sendirý úshin Roman Novak ózin arab sheihtarymen jáne Telegram negizin qalaýshy Pavel Dýrovpen tanyspyn dep aitqan. Dýrov bul tanystyqty joqqa shyǵarǵan.
2020 jyldyń qarashasynda Roman Novak «Sport v narod» jobasynyń ortaq iesinen 100 myń dollar jymqyrý josparyn jasaǵany úshin 6 jylǵa bas bostandyǵynan aiyrylǵan, dep jazady RBK.
