پەتەربۋرگتٸك كريپتوۆاليۋتالىق پلاتفورما نەگٸزٸن قالاۋشى رومان نوۆاك پەن ونىڭ ەيەلٸن باە-دە ۇرلاپ, ٶلتٸرگەن. قىلمىستىڭ بولجامدى سەبەبٸ – اقشا بوپسالاۋ. بۇعان دەيٸن نوۆاكتى ينۆەستورلاردى 500 ملن دوللار كٶلەمٸندە الدادى دەپ ايىپتاعان, دەپ حابارلايدى Dalanews.kz DW ابسىلىمىنا سٸلتەمە جاساپ.
سانكت-پەتەربۋرگتەن شىققان كريپتوينۆەستور رومان نوۆاك پەن ونىڭ ەيەلٸ اننا باە-دە ٶلتٸرٸلگەن. بۇل تۋرالى جۇما, 7 قاراشا كٷنٸ پەتەربۋرگتٸك «فونتانكا» جەنە 78.ru باسىلىمدارى دەرەككٶزدەرگە سٸلتەمە جاساپ حابارلادى.
باسىلىمداردىڭ دەرەگٸنشە, ەرلٸ-زايىپتى بٸر اي شاماسىندا تۋىستارىمەن بايلانىسقا شىقپاعان. «فونتانكا» مەلٸمەتٸنشە, رومان مەن اننانى حاتتا قالاسىنىڭ شەتٸندە جالعا الىنعان ۆيللادا ٶلتٸرگەن. ولار سول جەرگە ينۆەستورلارمەن كەزدەسەمٸز دەپ ويلاپ كەلگەن. قىلمىستىڭ بولجامدى سەبەبٸ – اقشا بوپسالاۋ.
قىلمىسكەرلەر نوۆاكتٸڭ كريپتەمييانىن الماق بولعان, وندا ولاردىڭ ويىنشا ميللياردتاعان دوللار بار ەدٸ. الايدا ەمييان بوس بولىپ شىققان. وسىدان كەيٸن رومان مەن اننانى ٶلتٸرٸپ, دەنەلەرٸن بٶلشەكتەپ, پاكەتتەرگە سالىپ تاستاعان. پاكەتتەردٸ حاتتاداعى ساۋدا ورتالىعىنىڭ ماڭىنداعى ەرتٷرلٸ كونتەينەرلەرگە تاستاپ كەتكەن.
رف تەرگەۋ كوميتەتٸ ٸس قوزعادى
رف تەرگەۋ كوميتەتٸنٸڭ سانكت-پەتەربۋرگتەگٸ باس تەرگەۋ باسقارماسى باە-دە «حابار-وشارسىز جوعالعان» ەرلٸ-زايىپتىنىڭ ٶلٸمٸ بويىنشا قىلمىستىق ٸس قوزعالعانىن حابارلادى. ۆەدومستۆو ەسٸمدەرٸن اتامادى. ٸس تۋىستارىنىڭ ارىزى نەگٸزٸندە قوزعالعان.
ٸس بويىنشا سەگٸز ادام ۇستالدى
«فونتانكا» دەرەگٸنشە, ٸس اياسىندا سەگٸز ادام ۇستالعان. ولاردىڭ كەمٸندە ٷشەۋٸ سانكت-پەتەربۋرگتەن. تەرگەۋ ٷش ەر ادامدى - 44, 46 جەنە 53 جاستاعى - قىلمىستىڭ تٸكەلەي ۇيىمداستىرۋشىلارى جەنە ورىنداۋشىلارى دەپ ەسەپتەيدٸ. تاعى تٶرتەۋٸ كٶلٸك پەن ۆيللا جالداعان, پىشاق ساتىپ العان جەنە رومان مەن اننامەن بايلانىستا بولعان. سەگٸزٸنشٸ ادامنىڭ رٶلٸ ناقتى كٶرسەتٸلمەگەن.
47.ru دەرەگٸنشە, قىلمىستى 53 جاستاعى كونستانتين, 46 جاستاعى يۋريي جەنە 45 جاستاعى ۆلاديمير ۇيىمداستىرعان. فاميلييالارى ايتىلمايدى. ەكٸ ٷلكەنٸ - لەنينگرادتان, ٷشٸنشٸسٸ - قازاقستاننىڭ تەمٸرتاۋ قالاسىنان. ولار قىلمىستان كەيٸن سانكت-پەتەربۋرگكە قايتىپ كەلگەندە ۇستالعان.
7 قاراشادا سانكت-پەتەربۋرگتٸڭ وكتيابر اۋداندىق سوتى ٷش كٷدٸكتٸنٸ - كونستانتين شاحتانى, يۋريي شارىپوۆتى جەنە ۆلاديمير داليوكيندٸ تۇتقىنداۋ تۋرالى شەشٸم شىعاردى. ولار 28 جەلتوقسانعا دەيٸن قاماۋدا بولادى. شاحتا مەن داليوكين كٸنەسٸن مويىندامادى, شارىپوۆ كٸنەسٸن جارتىلاي مويىنداعان. پروتسەسس جابىق رەجيمدە ٶتتٸ.
رومان نوۆاك ltuty كٸم?
رومان نوۆاك جىلدام كريپتوۆاليۋتا اۋدارىمدارىنا ارنالعان Fintopio قوسىمشاسىنىڭ نەگٸزٸن قالاۋشى رەتٸندە تانىمال. جوباعا ول شامامەن 500 ملن دوللار ينۆەستيتسييا تارتقان, كەيٸن اقشامەن بٸرگە جوعالىپ كەتكەن, دەپ جازادى 78.ru. Fintopio قىزمەتكەرلەرٸ جالاقىسىز قالعان, ال ينۆەستورلار - قىتاي مەن تاياۋ شىعىس بيزنەسمەندەرٸ - ٶز قاراجاتىنان ايىرىلعان.
ينۆەستورلاردى سەندٸرۋ ٷشٸن رومان نوۆاك ٶزٸن اراب شەيحتارىمەن جەنە Telegram نەگٸزٸن قالاۋشى پاۆەل دۋروۆپەن تانىسپىن دەپ ايتقان. دۋروۆ بۇل تانىستىقتى جوققا شىعارعان.
2020 جىلدىڭ قاراشاسىندا رومان نوۆاك «سپورت ۆ نارود» جوباسىنىڭ ورتاق يەسٸنەن 100 مىڭ دوللار جىمقىرۋ جوسپارىن جاساعانى ٷشٸن 6 جىلعا باس بوستاندىعىنان ايىرىلعان, دەپ جازادى ربك.
