Kreml Tramptyń Pýtinge eskertýine qatysty jaýap berdi. Tramptyń sanktsiialar jaily eskertýlerinde «jańalyq joq», «ol bul ádisterdi unatady», al Resei «teń quqyqty jáne ózara qurmetke negizdelgen dialogqa» daiyn dep málimdedi Pýtinniń baspasóz hatshysy Dmitrii Peskov, dep habarlaidy Dalanews.kz RBK-ǵa silteme jasap.
Resei AQSh prezidenti Donald Tramptyń sanktsiialar men tarifterdi arttyrý týraly qaterlerinde eshqandai jańalyq kórip otyrǵan joq, sebebi ol óziniń alǵashqy merziminde mundai málimdemelerdi jii aitatyn deidi Peskov.
«Munda erekshe jańa nárseni kórip turǵan joqpyz. Sizder bilesizder, Tramp óziniń prezidenttiginiń alǵashqy merziminde sanktsiialyq ádisterge jii júgingen Amerika prezidenti boldy, ol bul ádisterdi unatatyn, jalpy sol kezde unatatyn ádisi bul. Biz, árine, barlyq ritorikany jáne málimdemelerdi muqiiat baqylap otyrmyz. Barlyq niýanstardy muqiiat tirkep jatyrmyz», – dedi prezidenttiń ókili.
Peskovtyń aitýynsha, Resei «teń quqyqty jáne ózara qurmetke negizdelgen dialogqa» daiyn, ol Tramptyń alǵashqy merziminde eki prezident arasynda bolǵan.
«Qazirshe eshqandai signal túsken joq», – dep qorytyndylady Peskov.
