كرەمل ترامپتىڭ پۋتينگە ەسكەرتۋىنە قاتىستى جاۋاپ بەردى. ترامپتىڭ سانكسيالار جايلى ەسكەرتۋلەرىندە «جاڭالىق جوق»، «ول بۇل ادىستەردى ۇناتادى»، ال رەسەي «تەڭ قۇقىقتى جانە ءوزارا قۇرمەتكە نەگىزدەلگەن ديالوگقا» دايىن دەپ مالىمدەدى ءپۋتيننىڭ باسپا ءسوز حاتشىسى دميتريي پەسكوۆ، دەپ حابارلايدى Dalanews.kz ربك-عا سىلتەمە جاساپ.
رەسەي اقش پرەزيدەنتى دونالد ترامپتىڭ سانكسيالار مەن تاريفتەردى ارتتىرۋ تۋرالى قاتەرلەرىندە ەشقانداي جاڭالىق كورىپ وتىرعان جوق، سەبەبى ول ءوزىنىڭ العاشقى مەرزىمىندە مۇنداي مالىمدەمەلەردى ءجيى ايتاتىن دەيدى پەسكوۆ.
«مۇندا ەرەكشە جاڭا نارسەنى كورىپ تۇرعان جوقپىز. سىزدەر بىلەسىزدەر، ترامپ ءوزىنىڭ پرەزيدەنتتىگىنىڭ العاشقى مەرزىمىندە سانكسيالىق ادىستەرگە ءجيى جۇگىنگەن امەريكا پرەزيدەنتى بولدى، ول بۇل ادىستەردى ۇناتاتىن، جالپى سول كەزدە ۇناتاتىن ءادىسى بۇل. ءبىز، ارينە، بارلىق ريتوريكانى جانە مالىمدەمەلەردى مۇقيات باقىلاپ وتىرمىز. بارلىق نيۋانستاردى مۇقيات تىركەپ جاتىرمىز»، – دەدى پرەزيدەنتتىڭ وكىلى.
پەسكوۆتىڭ ايتۋىنشا، رەسەي «تەڭ قۇقىقتى جانە ءوزارا قۇرمەتكە نەگىزدەلگەن ديالوگقا» دايىن، ول ترامپتىڭ العاشقى مەرزىمىندە ەكى پرەزيدەنت اراسىندا بولعان.
«قازىرشە ەشقانداي سيگنال تۇسكەن جوق»، – دەپ قورىتىندىلادى پەسكوۆ.
