Qazaqstan zańnamasyna ózgerister engizý josparlanyp otyr, oǵan sáikes koýchtar men biznes-trenerler azamattarǵa jyldam ári kepildi tabysqa jetýdi ýáde ete almaidy. Bul týraly Saýda jáne integratsiia ministrligine qarasty Tutynýshylardyń quqyqtaryn qorǵaý komiteti tóraǵasynyń orynbasary Serik Qusaiynov málimdedi, dep habarlaidy Dalanews.kz.
Qusaiynovtyń aitýynsha, búginde kóptegen qazaqstandyq túrli treningke qatysady, alaida olardyń uiymdastyrýshylary ómirdiń kúrt jaqsarýyn ýáde etkenimen, shyn máninde mundai jaǵdai sirek kezdesedi.
"Biz bul máseleni zań jobasyna engizdik. Qyzmet kórsetýshi tutynýshyǵa onyń ómiri birden ózgerip, bári jaqsy jaqqa qarai órbidi dep ýáde bere almaidy. Bul – qyzmet sapasy týraly tutynýshyny shatastyrý jáne adastyrý bolyp sanalady", – dedi Qusaiynov "Tutynýshylardyń quqyqtaryn qorǵaý: biznes, memleket jáne qoǵam dialogy" forýmynyń kýlýarynda.
Buǵan deiin Májilis depýtaty Dinara Naýmova koýchtar men biznes-trenerler qyzmetiniń tiimdiligine kúmán keltirgen bolatyn. Ol bul salada biryńǵai standarttar men sertifikattaýdyń joqtyǵy alaiaqtyqqa jol ashyp, azamattardyń senimin álsiretetinin atap ótti.
