قازاقستان زاڭناماسىنا وزگەرىستەر ەنگىزۋ جوسپارلانىپ وتىر، وعان سايكەس كوۋچتار مەن بيزنەس-ترەنەرلەر ازاماتتارعا جىلدام ءارى كەپىلدى تابىسقا جەتۋدى ۋادە ەتە المايدى. بۇل تۋرالى ساۋدا جانە ينتەگراسيا مينيسترلىگىنە قاراستى تۇتىنۋشىلاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى سەرىك قۇسايىنوۆ مالىمدەدى، دەپ حابارلايدى Dalanews.kz.
قۇسايىنوۆتىڭ ايتۋىنشا، بۇگىندە كوپتەگەن قازاقستاندىق ءتۇرلى ترەنينگكە قاتىسادى، الايدا ولاردىڭ ۇيىمداستىرۋشىلارى ءومىردىڭ كۇرت جاقسارۋىن ۋادە ەتكەنىمەن، شىن مانىندە مۇنداي جاعداي سيرەك كەزدەسەدى.
"ءبىز بۇل ماسەلەنى زاڭ جوباسىنا ەنگىزدىك. قىزمەت كورسەتۋشى تۇتىنۋشىعا ونىڭ ءومىرى بىردەن وزگەرىپ، ءبارى جاقسى جاققا قاراي ءوربيدى دەپ ۋادە بەرە المايدى. بۇل – قىزمەت ساپاسى تۋرالى تۇتىنۋشىنى شاتاستىرۋ جانە اداستىرۋ بولىپ سانالادى"، – دەدى قۇسايىنوۆ "تۇتىنۋشىلاردىڭ قۇقىقتارىن قورعاۋ: بيزنەس، مەملەكەت جانە قوعام ديالوگى" فورۋمىنىڭ كۋلۋارىندا.
بۇعان دەيىن ءماجىلىس دەپۋتاتى دينارا ناۋموۆا كوۋچتار مەن بيزنەس-ترەنەرلەر قىزمەتىنىڭ تيىمدىلىگىنە كۇمان كەلتىرگەن بولاتىن. ول بۇل سالادا ءبىرىڭعاي ستاندارتتار مەن سەرتيفيكاتتاۋدىڭ جوقتىعى الاياقتىققا جول اشىپ، ازاماتتاردىڭ سەنىمىن السىرەتەتىنىن اتاپ ءوتتى.
