Qaraǵandy oblysyndaǵy sońǵy jyldardaǵy eń rezonansty qylmystyq isterdiń biri boıynsha apelásıalyq sot túpkilikti sheshim shyǵardy, dep habarlaıdy Dalanews.kz.

Birinshi satydaǵy sottyń úkimi zańdy dep tanylyp, ózgerissiz qaldyryldy.

İs aıasynda shahtanyń basshylyǵy men qaýipsizdikke jaýapty mamandardy qosa alǵanda, 10 laýazymdy tulǵa sottaldy. Sot óndiristik jáne eńbek qaýipsizdigi talaptarynyń óreskel buzylýy 46 kenshiniń ómirin qıǵan qaıǵyly oqıǵaǵa tikeleı sebep bolǵanyn anyqtady. Taǵy 26 adam aýyr jáne ortasha aýyr dene jaraqatyn alǵan.

Sottalǵandarǵa 5 jyldan 8 jylǵa deıin bas bostandyǵynan aıyrý jazasy taǵaıyndalyp, taý-ken salasynda basshylyq qyzmet atqarýǵa 3 jylǵa tyıym salyndy.