Qaraǵandy oblysyndaǵy Kostenko shahtasyndaǵy byltyr 46 adamnyń ómirin qiǵan qaiǵyly oqiǵaǵa bailanysty tergeý áli aiaqtalǵan joq. Bul týraly Bas prokýrordyń orynbasary Ǵalymjan Qoigeldiev Senat kýlýarynda málimdedi, dep habarlaidy Dalanews.kz.
"Bul oqiǵa – biz úshin asa aýyr tragediia. 46 kenshi qaitys boldy. Qazirgi ýaqytta shamamen 10 adam tergelýde. "ArselorMittalǵa" qatysty da tergeý júrip jatyr, biraq naqty qandai kezeńde turǵanyn aita almaimyn", - dedi ol.
Eske salaiyq, 2023 jyldyń 28 qazanynda Qaraǵandy oblysyndaǵy Kostenko atyndaǵy shahtada metan gazy jaryldy. Qaza bolǵan kenshilerge bailanysty 29 qazan Qazaqstanda jalpy ulttyq aza tutý kúni dep jariialandy.
Jarylys kezinde shahtada 252 adam bolǵan. Olardyń 206-sy jer betine shyǵa aldy, al qalǵandary qaza tapty.
46 kenshiniń qazasyna bailanysty sotqa deiingi tergeýdi Bas prokýratýranyń arnaiy prokýrorlary júrgizýde. Tergeý tobyna IIM, TJM, Sybailas jemqorlyqqa qarsy qyzmet jáne Qarjy monitoringi agenttiginiń qyzmetkerleri de qatysýda.
