قاراعاندى وبلىسىنداعى كوستەنكو شاحتاسىنداعى بىلتىر 46 ادامنىڭ ءومىرىن قيعان قايعىلى وقيعاعا بايلانىستى تەرگەۋ ءالى اياقتالعان جوق. بۇل تۋرالى باس پروكۋروردىڭ ورىنباسارى عالىمجان قويگەلدييەۆ سەنات كۋلۋارىندا مالىمدەدى، دەپ حابارلايدى Dalanews.kz.
"بۇل وقيعا – ءبىز ءۇشىن اسا اۋىر تراگەديا. 46 كەنشى قايتىس بولدى. قازىرگى ۋاقىتتا شامامەن 10 ادام تەرگەلۋدە. "ارسەلورميتتالعا" قاتىستى دا تەرگەۋ ءجۇرىپ جاتىر، ءبىراق ناقتى قانداي كەزەڭدە تۇرعانىن ايتا المايمىن"، - دەدى ول.
ەسكە سالايىق، 2023 جىلدىڭ 28 قازانىندا قاراعاندى وبلىسىنداعى كوستەنكو اتىنداعى شاحتادا مەتان گازى جارىلدى. قازا بولعان كەنشىلەرگە بايلانىستى 29 قازان قازاقستاندا جالپى ۇلتتىق ازا تۇتۋ كۇنى دەپ جاريالاندى.
جارىلىس كەزىندە شاحتادا 252 ادام بولعان. ولاردىڭ 206-سى جەر بەتىنە شىعا الدى، ال قالعاندارى قازا تاپتى.
46 كەنشىنىڭ قازاسىنا بايلانىستى سوتقا دەيىنگى تەرگەۋدى باس پروكۋراتۋرانىڭ ارنايى پروكۋرورلارى جۇرگىزۋدە. تەرگەۋ توبىنا ءىىم، تجم، سىبايلاس جەمقورلىققا قارسى قىزمەت جانە قارجى مونيتورينگى اگەنتتىگىنىڭ قىزمەتكەرلەرى دە قاتىسۋدا.
