Qazaq halqynyń ulttyq oiyndarynyń 7 túrinen (jamby atý, asyq atý, qoshqar kóterý, qazaqsha kúres, aýdaryspaq, toǵyzqumalaq, arqan tartys) ótken saiysty aýdan ákimi Tólegen Turtaiuly ashyp, jarysqa qatysyp jatqan 14 aýdannan kelgen komandalarǵa sáttilik tiledi. Stadion aýmaǵyna kiiz úi tigilip, qazaqtyń ulttyq taǵamdarynan dastarqan jaiyldy.
Saiysqa 14 jáne 29 jas aralyǵyndaǵy jastar qatysty. Dúbirli dodada komandalyq esep boiynsha Tólebi aýdany júldeli birinshi oryndy jeńip aldy. Sporttyń jekelegen túrleri boiynsha jeńimpaz atanǵandardy Qazyǵurt aýdanynyń ákimi Arman Abdýllaev, Ordabasy aýdanynyń ákimi Baǵlan Batyrshaev, Tólebi aýdanynyń ákimi Tólegen Telǵaraev quttyqtasa, komandalyq esep boiynsha ozyp shyqqandarǵa Túrkistan oblysy ákiminiń orynbasary Saken Qalqamanov medal taǵyp, kýbok usyndy.
Jamby atý saiysynda III-oryndy – Túlkibas aýdany, II-oryndy - Arys qalasy, I-oryndy – Tólebi aýdany iemdendi. Al aýdaryspaqta III-oryndy - Otyrar aýdany, II-oryndy – Qazyǵurt aýdany, I-oryndy – Tólebi aýdany jeńip aldy. Qoshqar kóterýden III-oryndy – Báidibek aýdany, II-oryndy - Tólebi aýdany, I-oryndy – Otyrar aýdany aldy. Toǵyzqumalaq oiynynan III-oryn – Otyrar aýdanyna, II-oryn – Saryaǵash aýdanyna, I-oryn – Báidibek aýdanyna buiyrdy. Qazaqsha kúresten III-oryndy – Túlkibas aýdany, II-oryndy – Keles aýdany, I-oryndy – Báidibek aýdany iemdendi.
«Kóshpendiler oiyny» atty oblystyq saiysynda komandalyq esep boiynsha III-orynǵa – Otyrar aýdany, II-orynǵa – Báidibek aýdany, I-orynǵa – Tólebi aýdany jaiǵasty.
