Teńizshevroil tiisti qysymdy kóterý júiesin paidalanýǵa berip, birinshi ólsheý stantsiiasyn tómen qysymǵa aýystyrdy, dep habarlaidy Dalanews.kz Dala Finance telegram-arnasyna siltep.
Osymen Teńiz munai ken ornynda Uńǵyma erneýindegi qysymdy basqarý jobasynyń nysandaryn qaýipsiz túrde eksplýatatsiialaý bastaldy, dep málim etti TShO.
"UEQBJ - uńǵymalardyń erneýindegi qysymdy tómendetý esebinen Teńizdegi kómirsýtekterdi óńdeý zaýyttarynyń jumysyn tolyq qýatta (jylyna 28 mln tonnaǵa deiin) ustap turýǵa arnalǵan", - deidi arna derekkózi.
Aitýlarynsha, keleshek óndiristi keńeitý jobasynyń (PBR) sońǵy kezeńi 2025 jyldyń birinshi jartysynda aiaqtalady dep josparlanǵan. Bul TShO-ǵa Teńizde shiki munai óndirý kólemin jylyna taǵy 12 million tonnaǵa ulǵaitýǵa múmkindik beredi.
PBR iske qosylmai turyp, endi Qazaqstan OPEK+ limiti máselesin sheshýi tiis. Teńiz kenishiniń limittelmeitini baiqalady. Demek, basqa ken oryndaryndaǵy táýliktik óndirý qysqarýy tiis nemese OPEK+ boiynsha Qazaqstan ózine preferentsiia suraityn bolady.
