Birqatar tekserýlerdiń qorytyndysy boiynsha Konstitýtsiialyq sot zeĭnetaqy annýitetteri týraly zańnamany naqtylaýdy usyndy, dep habarlaidy Dalanews.kz.
Konstitýtsiialyq sot azamattardyń ótinishi boĭynsha Azamattyq kodekstiń (Erekshe bólim) 818-baby 1-tarmaǵy ekinshi bóliginiń Qazaqstan Respýblikasynyń Konstitýtsiiasyna sáĭkestigin tekserdi.
Kórsetilgen normaǵa sáĭkes, Azamattyq kodekste qarastyrylǵan jekelegen jaǵdaĭlardy qospaǵanda, saqtanýshy tólegen saqtandyrý syĭlyqaqylary saqtandyrýshynyń menshigi bolyp tabylady.
Ótinishte saqtandyrýshy men saqtanýshy arasynda zeĭnetaqy annýiteti sharty jasalǵany, ol boĭynsha saqtanýshy saqtandyrý syĭaqysyn saqtandyrýshyǵa bergeni aĭtylady. Al saqtandyrýshy oǵan aĭ saĭyn sharttyq somany ómir boĭy tóleýge mindettendi.
Saqtanýshy qaĭtys bolǵannan keĭin tólemder paĭda alýshyǵa ótedi. Alaĭda, saqtandyrýshy qalǵan somany birjolǵy tóleý týraly muragerlerdiń talaptaryna QR AK 818-baby 1-tarmaǵynyń ekinshi bóligine sáĭkes zeĭnetaqy jinaqtary muraǵa kirmeĭtinine jáne oǵan menshik quqyǵynda tiesili ekendigine silteme jasaĭ otyryp, berýden bas tartady.
Ótinish sýbektileriniń pikirinshe, saqtandyrýshyǵa aýdarylǵan zeĭnetaqy jinaqtary saqtanýshy qaĭtys bolǵan jaǵdaĭda muragerlikke jatady, osyǵan baĭlanysty olar atalǵan norma birjolǵy saqtandyrý tólemi túrindegi múlikten sot sheshiminsiz aĭyra otyryp, ózderiniń jeke menshikti qorǵaý konstitýtsiialyq quqyǵyna nuqsan keltiredi dep esepteĭdi.
Konstitýtsiialyq sot ne sheshti?
Konstitýtsiialyq sot óz sheshiminde kórsetkendeĭ, saqtandyrý syĭlyqaqylary – saqtanýshynyń saqtandyrýshyǵa saqtandyrý arqyly qorǵalý úshin tóleĭtin tólemi, munda saqtandyrý tólemi onyń materialdyq balamasy bolyp tabylady, bul zeĭnetaqy annýiteti shartynyń óteýli bolýyn bildiredi.
"Osylaĭsha, saqtandyrýshy saqtandyrý syĭaqysy túrinde alǵan aqsha saqtandyrýshynyń óz qalaýy boĭynsha bilik etetin kirisi bolyp tabylady. Saqtandyrýshynyń saqtandyrý syĭlyqaqysyn qaĭtarý boĭynsha emes, tek saqtandyrý somasyn tóleý boĭynsha mindettemesi týyndaĭdy. Mundaĭ jaǵdaĭlarda saqtanýshynyń múlki májbúrli túrde ielikten shyǵarylmaĭdy, osyǵan baĭlanysty Konstitýtsiialyq sot ótinish sýbektileri daý aĭtyp otyrǵan AK (Erekshe bólim) normasynyń Konstitýtsiiaǵa qaĭshy keledi dep tappady", dep túsindiredi quziretti sot.
Sonymen qatar, Konstitýtsiialyq sot zeĭnetaqy annýitetiniń erekshelikterin nazarǵa ala otyryp, saqtanýshynyń kózi tirisindegi erik qalaýynyń iske asyrylý jáne ol qaĭtys bolǵan jaǵdaĭda, aýdarylǵan saqtandyrý syĭlyqaqysynyń kólemi men ózge de mán-jaĭlar eskerile otyryp, onyń quqyqtarynyń ózge adamdarǵa ótý tetikteri zańnamalyq deńgeĭde rettelýge tiis dep atap ótti.
"AK-niń (Erekshe bólim) 818-baby 1-tarmaǵynyń ekinshi bóliginde kózdelgen saqtanýshydan alynǵan saqtandyrý syĭlyqaqylaryna saqtandyrýshynyń menshik quqyǵy týraly jalpy ereje saqtanýshyǵa zeĭnetaqy annýiteti sharty buzylǵan kezde satyp alý somasyn basqa saqtandyrý uĭymyna aýdarý nemese saqtandyrý tólemderiniń mólsherin azaĭtýǵa qatysty shart talaptary ózgergen kezde aqshany BJZQ-ǵa qaĭtarý arqyly jáne basqa negizder boĭynsha osy aqshanyń bir bóligine bilik etý quqyǵyn beretin Áleýmettik kodeks normalarymen úĭlespeĭdi", delingen Konstitýtsiialyq sot túsiniktemesinde.
Osylardy eskere kele, Konstitýtsiialyq sot áleýmettik institýt retinde zeĭnetaqy annýitetiniń erekshelikterin eskere otyryp, ártúrli salaǵa tiesili ózara baĭlanysty normalardyń ózara úĭlesimdiligin qamtamasyz etý maqsatynda Úkimetke Qazaqstan Respýblikasynyń zańnamasyn jetildirý máselesin qaraýdy usyndy.
Tekserý nátijesinde, Konstitýtsiialyq sot ótinish sýbektileri daýlap otyrǵan Azamattyq kodeks (Erekshe bólim) normasynyń Konstitýtsiiaǵa qaĭshy keletindigin anyqtaǵan joq.
Buǵan deiin saitymyzda Qazaqstanda zeinetaqy jinaǵyn "annýitetke" shyǵaryp alýshylar sany artqanyn jazǵanbyz.
