Konstitýtsiia kúnine orai Jetisý oblysynyń shekaralyq Panfilov aýdanyndaǵy 4 aýylda jańa meditsinalyq nysandar paidalanýǵa berildi. Sóitip aýyl turǵyndaryna kórsetiletin meditsinalyq qyzmet sapasy aitarlyqtai jaqsardy,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jańa meditsinalyq nysandar Kóktal-Arasan, Sarpyldaq, Darbazaqum jáne Qorǵas aýyldarynda ashyldy. Bul aýyldarda jalpy sany 2 260 adam turady.
Atap aitqanda, Kóktal-Arasan, Sarpyldaq jáne Darbazaqum aýyldarynda 3 blokty-modýldi meditsinalyq pýnkt ashylsa, Qorǵas aýylynda feldsherlik-akýsherlik pýnkt paidalanýǵa berildi. Nysan tiisti diagnostikalyq jáne emdeý jabdyqtarymen qamtylyp, sapaly meditsinalyq qyzmet kórsetýge qajetti jaǵdai jasalǵan.
Oǵan qosa osy kúzdiń basynda aýdannyń taǵy bir shalǵaidaǵy eldi mekeni – Sarytóbe aýylynda jańa FAP ashý josparlanyp otyr.
- Kóp jyldan beri biz aýyl turǵyndaryna eski, shaǵyn meditsinalyq pýnktte qyzmet kórsetip keldik. Ǵimarat áldeqashan tozǵan. Endi zamanaýi meditsinalyq mekememiz EKG, KTG apparattary men spirografiia júrgizýge arnalǵan jańa jabdyqtarmen qamtamasyz etilip, sonyń arqasynda kórsetetin qyzmet túrleri de keńeidi. Mundai qurylǵylar diagnozdy dál qoiýǵa múmkindik beredi, iaǵni bul emdeýdiń tiimdiligin arttyrady degen sóz. Sondai-aq bizde zerthana, protsedýralyq jáne egý bólmeleri, ginekologiia jáne fizioterapiia kabinetteri bar. Bul kabinetterde akýsher men medbike jumys isteidi. Budan bólek, aptasyna eki ret bizde Atameken aýylyndaǵy dárigerlik ambýlatoriiadan kelgen ýchaskelik dáriger naýqastardy qabyldaidy, – dedi jańa meditsinalyq mekemeniń feldsheri Álim Qutkeldiev.
Atap ótsek, halyq tyǵyz ornalasqandyqtan, sońǵy jyldary Jarkent óńiriniń barlyq derlik eldi mekenderinde zamanaýi meditsinalyq mekemeler salynyp, paidalanýǵa berilýde. Máselen, ótken jyly Aqkent jáne Aqaral aýyldarynda blokty-modýldi meditsinalyq pýnktter iske qosylsa, qazirgi kezde Nádek aýylynda dárigerlik ambýlatoriianyń qurylysy júrip jatyr. Jalpy, jyl basynan Panfilov aýdanynyń 11 aýylynda meditsinalyq nysandar paidalanýǵa berildi.
Eske salsaq, Jetisý oblysy qurylǵannan bergi úsh jyl ishinde óńirde densaýlyq saqtaý salasynda 162 joba júzege asyryldy. Olardyń 75-i - jańa nysannyń qurylysy, 74-i - blokty-modýldi meditsinalyq pýnkt, 13-i - kúrdeli jóndeý. Osy jobalardyń 75-i biyl tolyq aiaqtalady dep josparlanýda. Sonyń nátijesinde oblystaǵy densaýlyq saqtaý nysandarynyń jańartylý deńgeii 63,8 %-ǵa jetedi.
