كونستيتۋسيا كۇنىنە وراي جەتىسۋ وبلىسىنىڭ شەكارالىق پانفيلوۆ اۋدانىنداعى 4 اۋىلدا جاڭا مەديسينالىق نىساندار پايدالانۋعا بەرىلدى. ءسويتىپ اۋىل تۇرعىندارىنا كورسەتىلەتىن مەديسينالىق قىزمەت ساپاسى ايتارلىقتاي جاقساردى،- دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.
جاڭا مەديسينالىق نىساندار كوكتال-اراسان، سارپىلداق، داربازاقۇم جانە قورعاس اۋىلدارىندا اشىلدى. بۇل اۋىلداردا جالپى سانى 2 260 ادام تۇرادى.
اتاپ ايتقاندا، كوكتال-اراسان، سارپىلداق جانە داربازاقۇم اۋىلدارىندا 3 بلوكتى-مودۋلدى مەديسينالىق پۋنكت اشىلسا، قورعاس اۋىلىندا فەلدشەرلىك-اكۋشەرلىك پۋنكت پايدالانۋعا بەرىلدى. نىسان ءتيىستى دياگنوستيكالىق جانە ەمدەۋ جابدىقتارىمەن قامتىلىپ، ساپالى مەديسينالىق قىزمەت كورسەتۋگە قاجەتتى جاعداي جاسالعان.
وعان قوسا وسى كۇزدىڭ باسىندا اۋداننىڭ تاعى ءبىر شالعايداعى ەلدى مەكەنى – سارىتوبە اۋىلىندا جاڭا فاپ اشۋ جوسپارلانىپ وتىر.
- كوپ جىلدان بەرى ءبىز اۋىل تۇرعىندارىنا ەسكى، شاعىن مەديسينالىق پۋنكتتە قىزمەت كورسەتىپ كەلدىك. عيمارات الدەقاشان توزعان. ەندى زاماناۋي مەديسينالىق مەكەمەمىز ەكگ، كتگ اپپاراتتارى مەن سپيروگرافيا جۇرگىزۋگە ارنالعان جاڭا جابدىقتارمەن قامتاماسىز ەتىلىپ، سونىڭ ارقاسىندا كورسەتەتىن قىزمەت تۇرلەرى دە كەڭەيدى. مۇنداي قۇرىلعىلار دياگنوزدى ءدال قويۋعا مۇمكىندىك بەرەدى، ياعني بۇل ەمدەۋدىڭ تيىمدىلىگىن ارتتىرادى دەگەن ءسوز. سونداي-اق بىزدە زەرتحانا، پروسەدۋرالىق جانە ەگۋ بولمەلەرى، گينەكولوگيا جانە فيزيوتەراپيا كابينەتتەرى بار. بۇل كابينەتتەردە اكۋشەر مەن مەدبيكە جۇمىس ىستەيدى. بۇدان بولەك، اپتاسىنا ەكى رەت بىزدە اتامەكەن اۋىلىنداعى دارىگەرلىك امبۋلاتوريادان كەلگەن ۋچاسكەلىك دارىگەر ناۋقاستاردى قابىلدايدى، – دەدى جاڭا مەديسينالىق مەكەمەنىڭ فەلدشەرى ءالىم قۇتكەلدييەۆ.
اتاپ وتسەك، حالىق تىعىز ورنالاسقاندىقتان، سوڭعى جىلدارى جاركەنت ءوڭىرىنىڭ بارلىق دەرلىك ەلدى مەكەندەرىندە زاماناۋي مەديسينالىق مەكەمەلەر سالىنىپ، پايدالانۋعا بەرىلۋدە. ماسەلەن، وتكەن جىلى اقكەنت جانە اقارال اۋىلدارىندا بلوكتى-مودۋلدى مەديسينالىق پۋنكتتەر ىسكە قوسىلسا، قازىرگى كەزدە نادەك اۋىلىندا دارىگەرلىك امبۋلاتوريانىڭ قۇرىلىسى ءجۇرىپ جاتىر. جالپى، جىل باسىنان پانفيلوۆ اۋدانىنىڭ 11 اۋىلىندا مەديسينالىق نىساندار پايدالانۋعا بەرىلدى.
ەسكە سالساق، جەتىسۋ وبلىسى قۇرىلعاننان بەرگى ءۇش جىل ىشىندە وڭىردە دەنساۋلىق ساقتاۋ سالاسىندا 162 جوبا جۇزەگە اسىرىلدى. ولاردىڭ 75ء-ى - جاڭا نىساننىڭ قۇرىلىسى، 74ء-ى - بلوكتى-مودۋلدى مەديسينالىق پۋنكت، 13ء-ى - كۇردەلى جوندەۋ. وسى جوبالاردىڭ 75ء-ى بيىل تولىق اياقتالادى دەپ جوسپارلانۋدا. سونىڭ ناتيجەسىندە وبلىستاعى دەنساۋلىق ساقتاۋ نىساندارىنىڭ جاڭارتىلۋ دەڭگەيى 63،8 %-عا جەتەدى.
