Kongo Demokratiialyq Respýblikasynda Ebola virýsyn juqtyrǵandar sany 7 myńnan asty. Aýrýdyń taralý aýmaǵy keńeiip, indet eldiń taǵy bir provintsiiasynda tirkeldi, dep habarlaidy dalanews.kz Reuters agenttigine silteme jasap.
Resmi málimet boiynsha, elde Ebola virýsyn juqtyrýdyń rastalǵan jaǵdailary 7 022-ge jetken. Indetten kóz jumǵandar sany 3 398 adamdy qurady.
Sońǵy jaǵdai eldiń soltústik-batysyndaǵy Ońtústik Ýbangi provintsiiasynda anyqtalǵan. Bul óńir indettiń negizgi oshaǵynan edáýir qashyq ornalasqan. Naýqas retinde 23 jastaǵy er adam tirkelip, ol qaitys bolǵannan keiin júrgizilgen saraptama nátijesinde Býndibýgio shtammyndaǵy Ebola virýsyn juqtyrǵany belgili boldy.
Biliktiń málimetinshe, azamat 10 shildede Shyǵys Kongodaǵy Ońtústik Kivý provintsiiasynan shyǵyp, biraz ýaqyt shetelde bolǵan. Keiin elge oralyp, Ońtústik Ýbangi óńirine barǵan.
Qazirgi ýaqytta meditsina qyzmetkerleri naýqaspen bailanysta bolǵan adamdardy anyqtap, baqylaýǵa alý jumystaryn júrgizip jatyr.
Dúniejúzilik densaýlyq saqtaý uiymy aýrýdyń jańa aýmaqtarǵa taralýy epidemiiaǵa qarsy kúresti kúrdelendirip otyrǵanyn málimdedi. Uiym mamandarynyń aitýynsha, bilikti kadrlardyń, jergilikti seriktes uiymdardyń jáne qarjylandyrýdyń jetispeýi jaǵdaidy qiyndatyp otyr.
Mamandardyń baǵalaýynsha, Býndibýgio shtammynan týyndaǵan qazirgi indet Kongo Demokratiialyq Respýblikasynyń tarihyndaǵy eń iri ári eń ólim-jitimi joǵary Ebola epidemiiasyna ainaldy. Ol aýqymy jaǵynan 2018–2020 jyldardaǵy indetten asyp tústi.
Álemdik statistika boiynsha qazirgi indet aýrý juqtyrǵandar sany jóninen tek 2014–2016 jyldary Gvineia, Liberiia jáne Serra-Leonede bolǵan Batys Afrikadaǵy Ebola epidemiiasynan keiingi ekinshi orynda tur. Sol kezde virýs 28,6 myńnan astam adamǵa juǵyp, 11 myńnan astam adamnyń ómirin qiǵan bolatyn.
