كونگو دەموكراتييالىق رەسپۋبليكاسىندا ەبولا ۆيرۋسىن جۇقتىرعاندار سانى 7 مىڭنان استى. اۋرۋدىڭ تارالۋ اۋماعى كەڭەيٸپ, ٸندەت ەلدٸڭ تاعى بٸر پروۆينتسيياسىندا تٸركەلدٸ, دەپ حابارلايدى dalanews.kz Reuters اگەنتتٸگٸنە سٸلتەمە جاساپ.
رەسمي مەلٸمەت بويىنشا, ەلدە ەبولا ۆيرۋسىن جۇقتىرۋدىڭ راستالعان جاعدايلارى 7 022-گە جەتكەن. ٸندەتتەن كٶز جۇمعاندار سانى 3 398 ادامدى قۇرادى.
سوڭعى جاعداي ەلدٸڭ سولتٷستٸك-باتىسىنداعى وڭتٷستٸك ۋبانگي پروۆينتسيياسىندا انىقتالعان. بۇل ٶڭٸر ٸندەتتٸڭ نەگٸزگٸ وشاعىنان ەدەۋٸر قاشىق ورنالاسقان. ناۋقاس رەتٸندە 23 جاستاعى ەر ادام تٸركەلٸپ, ول قايتىس بولعاننان كەيٸن جٷرگٸزٸلگەن ساراپتاما نەتيجەسٸندە بۋنديبۋگيو شتاممىنداعى ەبولا ۆيرۋسىن جۇقتىرعانى بەلگٸلٸ بولدى.
بيلٸكتٸڭ مەلٸمەتٸنشە, ازامات 10 شٸلدەدە شىعىس كونگوداعى وڭتٷستٸك كيۆۋ پروۆينتسيياسىنان شىعىپ, بٸراز ۋاقىت شەتەلدە بولعان. كەيٸن ەلگە ورالىپ, وڭتٷستٸك ۋبانگي ٶڭٸرٸنە بارعان.
قازٸرگٸ ۋاقىتتا مەديتسينا قىزمەتكەرلەرٸ ناۋقاسپەن بايلانىستا بولعان ادامداردى انىقتاپ, باقىلاۋعا الۋ جۇمىستارىن جٷرگٸزٸپ جاتىر.
دٷنيەجٷزٸلٸك دەنساۋلىق ساقتاۋ ۇيىمى اۋرۋدىڭ جاڭا اۋماقتارعا تارالۋى ەپيدەميياعا قارسى كٷرەستٸ كٷردەلەندٸرٸپ وتىرعانىن مەلٸمدەدٸ. ۇيىم ماماندارىنىڭ ايتۋىنشا, بٸلٸكتٸ كادرلاردىڭ, جەرگٸلٸكتٸ سەرٸكتەس ۇيىمداردىڭ جەنە قارجىلاندىرۋدىڭ جەتٸسپەۋٸ جاعدايدى قيىنداتىپ وتىر.
مامانداردىڭ باعالاۋىنشا, بۋنديبۋگيو شتاممىنان تۋىنداعان قازٸرگٸ ٸندەت كونگو دەموكراتييالىق رەسپۋبليكاسىنىڭ تاريحىنداعى ەڭ ٸرٸ ەرٸ ەڭ ٶلٸم-جٸتٸمٸ جوعارى ەبولا ەپيدەميياسىنا اينالدى. ول اۋقىمى جاعىنان 2018–2020 جىلدارداعى ٸندەتتەن اسىپ تٷستٸ.
ەلەمدٸك ستاتيستيكا بويىنشا قازٸرگٸ ٸندەت اۋرۋ جۇقتىرعاندار سانى جٶنٸنەن تەك 2014–2016 جىلدارى گۆينەيا, ليبەرييا جەنە سەررا-لەونەدە بولعان باتىس افريكاداعى ەبولا ەپيدەميياسىنان كەيٸنگٸ ەكٸنشٸ ورىندا تۇر. سول كەزدە ۆيرۋس 28,6 مىڭنان استام ادامعا جۇعىپ, 11 مىڭنان استام ادامنىڭ ٶمٸرٸن قيعان بولاتىن.
