- LRT máselesine bári alańdaidy. Pandemiia kezinde ony jalǵastyrý máselesi toqtatyla turdy, óitkeni Qazaqstandyq jáne halyqaralyq bankterden qaryz suraý kerek boldy. Qazir bul jumystar jalǵastyryla bastady, bankter qarajat tartýy tiis. Iia, qurylys toqtaǵan kezden beri qalǵan nysandar qalanyń kórkin buzyp tur. Oǵan qarýar aqsha jumsalǵany da ras. Sol sebepti jumys jalǵastyrylady, banktermen investitsiia tartý baǵytynda jumystar júrgizilýde, dedi Kólginov.
Buǵan deiin Nur-Sultan ákiminiń orynbasary Bahtiiar Máken aitqandai, qazir Qytai men Arab Ámirlikteriniń investorlarymen kelissózder júrip jatyr.
Atyshýly LRT jobasynyń qurylysy 2011 jyly bastalǵan. 2020 jyly aiaqtalýy tiis edi, biraq qarjylandyrý jaǵy jetispei qaldy.
2019 jyldyń kúzinde Prezident Qasym-Jomart Toqaev LRT isi boiynsha tergeýdi kúsheitip, astana ákimdiginiń burynǵy basshylaryn tekserýdi tapsyrǵan. Memleket basshysy LRT jobasyn kúmándi jáne ekonomikalyq jaǵynan túsiniksiz dep baǵalaǵan.
2020 jyldyń 20 qazanynda Astana LRT qurylysy kezinde aqsha jymqyrý isi boiynsha sot bastaldy. Aiyptalýshylar tiziminde jeti adam bar.
