- LRT ماسەلەسىنە ءبارى الاڭدايدى. پاندەميا كەزىندە ونى جالعاستىرۋ ماسەلەسى توقتاتىلا تۇردى، ويتكەنى قازاقستاندىق جانە حالىقارالىق بانكتەردەن قارىز سۇراۋ كەرەك بولدى. ءقازىر بۇل جۇمىستار جالعاستىرىلا باستادى، بانكتەر قاراجات تارتۋى ءتيىس. يا، قۇرىلىس توقتاعان كەزدەن بەرى قالعان نىساندار قالانىڭ كوركىن بۇزىپ تۇر. وعان قارۋار اقشا جۇمسالعانى دا راس. سول سەبەپتى جۇمىس جالعاستىرىلادى، بانكتەرمەن ينۆەستيسيا تارتۋ باعىتىندا جۇمىستار جۇرگىزىلۋدە، دەدى كولگىنوۆ.
بۇعان دەيىن نۇر-سۇلتان اكىمىنىڭ ورىنباسارى باحتيار ماكەن ايتقانداي، ءقازىر جۇڭگو مەن اراب امىرلىكتەرىنىڭ ينۆەستورلارىمەن كەلىسسوزدەر ءجۇرىپ جاتىر.
اتىشۋلى LRT جوباسىنىڭ قۇرىلىسى 2011 جىلى باستالعان. 2020 جىلى اياقتالۋى ءتيىس ەدى، ءبىراق قارجىلاندىرۋ جاعى جەتىسپەي قالدى.
2019 جىلدىڭ كۇزىندە پرەزيدەنت قاسىم-جومارت توقايەۆ LRT ءىسى بويىنشا تەرگەۋدى كۇشەيتىپ، استانا اكىمدىگىنىڭ بۇرىنعى باسشىلارىن تەكسەرۋدى تاپسىرعان. مەملەكەت باسشىسى LRT جوباسىن كۇماندى جانە ەكونوميكالىق جاعىنان تۇسىنىكسىز دەپ باعالاعان.
2020 جىلدىڭ 20 قازانىندا Astana LRT قۇرىلىسى كەزىندە اقشا جىمقىرۋ ءىسى بويىنشا سوت باستالدى. ايىپتالۋشىلار تىزىمىندە جەتى ادام بار.
