Kókshetaý qalasynyń ákimshilik quqyqbuzýshylyqtar jónindegi mamandandyrylǵan soty qoǵamdyq orynda qazaq mýzykasyna qatysty jaǵymsyz pikir aitqan áielge qatysty isti qarady, dep habarlaidy dalanews.kz.
Sot málimetinshe, 2025 jyly jeltoqsanda áiel Kókshetaýdaǵy barbershopta qazaq ánderin kemsitip sóilep, ainalasyndaǵylarǵa qurmetsizdik tanytqan. Sonyń saldarynan qoǵamdyq tártip pen azamattardyń tynyshtyǵy buzylǵan.
Sotta sóilegen kýágerdiń aitýynsha, barbershopta túrli eldiń ánderi qoiylyp turǵan. Ol qazaq ánderin qosqan kezde áiel mýzykany óshirip, qazaq ánderi týraly jaǵymsyz pikir aityp, "ondai ánderdi úide tyńda" degen.
Quqyqbuzýshylyq ákimshilik hattamamen, áieldiń óz túsiniktemesimen, kýágerdiń jaýabymen, beinejazbalarmen jáne is materialdarymen rastalǵan. Áiel hattamamen kelisip, qarsylyq bildirmegen.
Sot qaýlysymen ol Ákimshilik quqyqbuzýshylyq týraly kodekstiń 434-baby 1-bóligi boiynsha kináli dep tanylyp, 8 táýlikke ákimshilik qamaýǵa alyndy.
Sot qaýlysy ázirge zańdy kúshine engen joq.
