كٶكشەتاۋ قالاسىنىڭ ەكٸمشٸلٸك قۇقىقبۇزۋشىلىقتار جٶنٸندەگٸ مامانداندىرىلعان سوتى قوعامدىق ورىندا قازاق مۋزىكاسىنا قاتىستى جاعىمسىز پٸكٸر ايتقان ەيەلگە قاتىستى ٸستٸ قارادى, دەپ حابارلايدى dalanews.kz.
سوت مەلٸمەتٸنشە, 2025 جىلى جەلتوقساندا ەيەل كٶكشەتاۋداعى باربەرشوپتا قازاق ەندەرٸن كەمسٸتٸپ سٶيلەپ, اينالاسىنداعىلارعا قۇرمەتسٸزدٸك تانىتقان. سونىڭ سالدارىنان قوعامدىق تەرتٸپ پەن ازاماتتاردىڭ تىنىشتىعى بۇزىلعان.
سوتتا سٶيلەگەن كۋەگەردٸڭ ايتۋىنشا, باربەرشوپتا تٷرلٸ ەلدٸڭ ەندەرٸ قويىلىپ تۇرعان. ول قازاق ەندەرٸن قوسقان كەزدە ەيەل مۋزىكانى ٶشٸرٸپ, قازاق ەندەرٸ تۋرالى جاعىمسىز پٸكٸر ايتىپ, "ونداي ەندەردٸ ٷيدە تىڭدا" دەگەن.
قۇقىقبۇزۋشىلىق ەكٸمشٸلٸك حاتتامامەن, ەيەلدٸڭ ٶز تٷسٸنٸكتەمەسٸمەن, كۋەگەردٸڭ جاۋابىمەن, بەينەجازبالارمەن جەنە ٸس ماتەريالدارىمەن راستالعان. ەيەل حاتتامامەن كەلٸسٸپ, قارسىلىق بٸلدٸرمەگەن.
سوت قاۋلىسىمەن ول ەكٸمشٸلٸك قۇقىقبۇزۋشىلىق تۋرالى كودەكستٸڭ 434-بابى 1-بٶلٸگٸ بويىنشا كٸنەلٸ دەپ تانىلىپ, 8 تەۋلٸككە ەكٸمشٸلٸك قاماۋعا الىندى.
سوت قاۋلىسى ەزٸرگە زاڭدى كٷشٸنە ەنگەن جوق.
