Orańǵaı aýylynda ornalasqan kásiporyn bıyl 1,5 myń tonna daıyn ónimdi Reseıge eksporttaǵan. Táýligine 80 tonnaǵa deıin kókónis óńdeıtin zaýyt 18 túrli ónim shyǵarady.
2017 jyly qurylǵan kásiporyn Reseı men Belarýstiń ozyq tehnologıasymen jabdyqtalǵan. Barlyq ónim osy jerde jýylyp, tazalanady. Odan keıin óńdeý sehyna jóneltiledi. Óndiris orny saǵatyna 10 tonnaǵa deıin daıyn ónim shyǵarady. Qazir munda 50-ge jýyq adam turaqty jumyspen qamtylǵan.
Kentaý aýdanynyń Orańǵaı aýylynda ornalasqan aýyl sharýashylyǵy óndiristik kooperatıvi jemis-jıdek pen kókónisti tereń óńdeıdi.
Tabıǵı taza ónim elimizdiń soltústik óńirleri men Reseıge jóneltiledi. Máselen, bıyl 800 tonnaǵa jýyq konservilengen daıyn ónim Qyzylorda, Petropavl, Qostanaı, Pavlodar oblysyna jiberilse, 1,5 myń tonnasy Reseıge eksporttalǵan.
Zaýyt 18 túrli ónim shyǵarady.
Zaýyt tehnology Ábdiraıym Súleımenovtiń atap ótkenindeı kúndelikti 7-8 saǵat jumys istep, 70-80 tonnadaı ónim óndiredi eken. "Kapýsta men sábiz jáne asqabaq ezbesin daıyndaýdamyz. Qyzanaq pastasyn, qıardy tuzdap jabamyz. Órik, alma, júzim shyrynyn shyǵaramyz" deıdi ol.
Kásiporyn basshysy Rysqul Súleımenov otbasymen dıqanshylyqpen aınalysady. Jer emip, jemis terip ósken sharýa jalǵyz júrip eshteńe tyndyra almasyn bilgen soń, shaǵyn sharýalardyń basyn qosýdy uıǵarypty. Rysqul Súleımenov, kooperatıv tóraǵasy: 27 usaq sharýa qojalyqtaryn iriktep, aýyl sharýashylyǵy kooperatıvin qurdyq. Kooperatıvtiń 30-dan asa múshesi bar. Onda maýsymynda 50-60 adamǵa deıin jumys isteıdi. Kooperatıv ózderine tıesili 300 gektar jerge kókónis egedi, jetpegenin kórshi sharýashylyqtardan satyp alady.
