وراڭعاي اۋىلىندا ورنالاسقان كەسٸپورىن بيىل 1,5 مىڭ توننا دايىن ٶنٸمدٸ رەسەيگە ەكسپورتتاعان. تەۋلٸگٸنە 80 تونناعا دەيٸن كٶكٶنٸس ٶڭدەيتٸن زاۋىت 18 تٷرلٸ ٶنٸم شىعارادى.
2017 جىلى قۇرىلعان كەسٸپورىن رەسەي مەن بەلارۋستٸڭ وزىق تەحنولوگيياسىمەن جابدىقتالعان. بارلىق ٶنٸم وسى جەردە جۋىلىپ, تازالانادى. ودان كەيٸن ٶڭدەۋ تسەحىنا جٶنەلتٸلەدٸ. ٶندٸرٸس ورنى ساعاتىنا 10 تونناعا دەيٸن دايىن ٶنٸم شىعارادى. قازٸر مۇندا 50-گە جۋىق ادام تۇراقتى جۇمىسپەن قامتىلعان.
كەنتاۋ اۋدانىنىڭ وراڭعاي اۋىلىندا ورنالاسقان اۋىل شارۋاشىلىعى ٶندٸرٸستٸك كووپەراتيۆٸ جەمٸس-جيدەك پەن كٶكٶنٸستٸ تەرەڭ ٶڭدەيدٸ.
تابيعي تازا ٶنٸم ەلٸمٸزدٸڭ سولتٷستٸك ٶڭٸرلەرٸ مەن رەسەيگە جٶنەلتٸلەدٸ. مەسەلەن, بيىل 800 تونناعا جۋىق كونسەرۆٸلەنگەن دايىن ٶنٸم قىزىلوردا, پەتروپاۆل, قوستاناي, پاۆلودار وبلىسىنا جٸبەرٸلسە, 1,5 مىڭ تونناسى رەسەيگە ەكسپورتتالعان.
زاۋىت 18 تٷرلٸ ٶنٸم شىعارادى.
زاۋىت تەحنولوگى ەبدٸرايىم سٷلەيمەنوۆتٸڭ اتاپ ٶتكەنٸندەي كٷندەلٸكتٸ 7-8 ساعات جۇمىس ٸستەپ, 70-80 تونناداي ٶنٸم ٶندٸرەدٸ ەكەن. "كاپۋستا مەن سەبٸز جەنە اسقاباق ەزبەسٸن دايىنداۋدامىز. قىزاناق پاستاسىن, قيياردى تۇزداپ جابامىز. ٶرٸك, الما, جٷزٸم شىرىنىن شىعارامىز" دەيدٸ ول.
كەسٸپورىن باسشىسى رىسقۇل سٷلەيمەنوۆ وتباسىمەن ديقانشىلىقپەن اينالىسادى. جەر ەمٸپ, جەمٸس تەرٸپ ٶسكەن شارۋا جالعىز جٷرٸپ ەشتەڭە تىندىرا الماسىن بٸلگەن سوڭ, شاعىن شارۋالاردىڭ باسىن قوسۋدى ۇيعارىپتى. رىسقۇل سٷلەيمەنوۆ, كووپەراتيۆ تٶراعاسى: 27 ۇساق شارۋا قوجالىقتارىن ٸرٸكتەپ, اۋىل شارۋاشىلىعى كووپەراتيۆٸن قۇردىق. كووپەراتيۆتٸڭ 30-دان اسا مٷشەسٸ بار. وندا ماۋسىمىندا 50-60 ادامعا دەيٸن جۇمىس ٸستەيدٸ. كووپەراتيۆ ٶزدەرٸنە تيەسٸلٸ 300 گەكتار جەرگە كٶكٶنٸس ەگەدٸ, جەتپەگەنٸن كٶرشٸ شارۋاشىلىقتاردان ساتىپ الادى.
