Fincraft Group basshysy Keńes Raqyshevtyń sońǵy úsh jyl boiynda taý-ken salasyndaǵy aktivterin birtindep satyp, aqshasyn munai-gaz kompaniialaryna investitsiialap jatyr. Sonyń ishinde kásipkerdiń tabysynan góri shyǵyny kóp Timýr Qulybaevqa tiesili "Shubarkól premiýmdy" satyp alýy, sondai-aq BTA-nyń enshiles kompaniiasy BTA Ýkrainadaǵy úlesin satqany týraly sybys iskerlik ortada birshama suraq týǵyzǵan edi, dep habarlaidy Dalanews.kz.
Bul suraqtarǵa Kapital.kz saitynda búgin jariialanǵan kásipkerdiń suqbatynda jaýaptar berilipti.
"Mámile boiynsha "Shubarkól Premiýmynyń» 50% úlesi qazir maǵan, 50% - Shýhrat Ibragimovqa tiesili. Biraq jobany Shýhrattyń komandasy tolyǵymen basqarady, óitkeni olardyń bul baǵytta kóbirek tájiribesi bar. Qazaqstandaǵy eń iri energetikalyq kómir óndirýshi - "Shubarkól kómir" Ibragimovtyń ERG tobyna kiredi. Meniń "Shubarkól Premiýmdaǵy" mindetim - bolashaqta bul kompaniiaǵa investorlar tartý. Bolashaqta biz óndiriske arnalǵan jańartylǵan jabdyqtardy alyp kelip, taǵy tasqa tyń dúnielerdi engizgimiz keledi", - degen ol bul aktivti qanshaǵa satyp alǵanyn ashyp aitpaýdy jón kóripti.
- 2024 jyldyń maýsym aiynda Siz "SNRG Capital Eurasia" JShS arqyly qazaqstandyq kásipker Sultan Marenovke BTA-nyń enshiles kompaniiasy - BTA Belarýsti sattyńyz. Biraq, ázirge Sizdiń aktivińizde BTA Ýkraina áli de qalyp otyr. Qyrkúiek aiynda bul aktiv úshin 4 milliard 546 million teńge qolyńyzǵa tigenin aittyńyz. Ony satyp jatyrsyz ǵoi?
"Biz ortalyq banktiń jáne monopoliiaǵa qarsy komitettiń (Ýkraina) ruqsatyn kútip otyrmyz. Osy ruqsatty ala salysymen, biz resmi túrde atalǵan mámile týraly jariialaimyz", - dep jaýap beripti Keńes Raqyshev.
Suqbat sońynda ol satqan aktivterinen túsken aqshany munai-gaz sektoryna investitsiialaýǵa múddeli ekenin aitypty.
Aita ketsek,kásipker Keńes Raqyshevtyń da úlesi bar EQUUS Petroleum Limited munai-gaz kompaniiasynyń aktsiialary 2 qazannan bastap Astana qor birjasy (AIX) tiziminen alynyp tastaldy. Fincraft Group 2022 jyldyń qyrkúieginen bastap Equus Petroleum Limited kompaniiasynyń 50%-yna ielik etedi. Raqyshevtyń holdingi bul úlesti Baiqadam Ablasanov pen Nurlan Jumanovtyń International Petroleum Holding B. V. kompaniiasynan satyp aldy. Olar 37,67% aktsiiany ózderine qaldyrdy.
