Shaǵyn kásiporyn 7 adamdy turaqty jumyspen qamtyp otyr. Sehtyń negizgi qyzmeti sharýashylyq sabyny jáne dáret qaǵazyn shyǵarýmen aınalysady. Bul jobanyń negizgi maqsaty qaldyqtardy qaıta óńdeý arqyly kúndelikti qoldanatyn ónimdermen aýdandyq naryqty qamtamasyz etý bolyp tabylady. 0,13 ga jer kólemin quraıtyn kásiporynnyń jalpy quny 40 mln teńgeni quraıdy.
Sharýashylyq sabynynyń jobalyq qýattylyǵy 1 kúnde 1000 dana sabyn shyǵarsa, jylyna 400 000 dana taýardy halyq ıgiligine beredi. Al dáret qaǵazynyń 1 kúndik qýattylyǵy 4000-5000 dana shamasynda bolsa, jyldyq qýattylyǵy 1,5-1,9 mln shamasynda bolady.
Negizgi taýardy tutynýshylar Keles aýdany aýmaǵy, Shymkent qalasy jáne Qyzylorda oblysyna jóneltýde. Aldaǵy ýaqytta Tájikstan, Aýǵanstan syndy elderden suranys túsýine baılanysty ónim qýattylyǵyn arttyryp shet memleketterge eksporttaýdy josparlap otyr kásiporyn ıesi. Keles aýdanynyń ákim Aqmentaı Esbaev atalǵan kásiporyn ıesi Ómirserik Álibaıulyn qabyldap, jobalarymen tanysyp shyqty. Aldaǵy ýaqytta kásipkerlik nysanynyń damýy úshin ákimdik tarapynan barynsha qoldaý bolatynyn atap kórsetti.
Keles aýdany ákiminiń baspasóz qyzmeti
