شاعىن كاسىپورىن 7 ادامدى تۇراقتى جۇمىسپەن قامتىپ وتىر. سەحتىڭ نەگىزگى قىزمەتى شارۋاشىلىق سابىنى جانە دارەت قاعازىن شىعارۋمەن اينالىسادى. بۇل جوبانىڭ نەگىزگى ماقساتى قالدىقتاردى قايتا وڭدەۋ ارقىلى كۇندەلىكتى قولداناتىن ونىمدەرمەن اۋداندىق نارىقتى قامتاماسىز ەتۋ بولىپ تابىلادى. 0،13 گا جەر كولەمىن قۇرايتىن كاسىپورىننىڭ جالپى قۇنى 40 ملن تەڭگەنى قۇرايدى.
شارۋاشىلىق سابىنىنىڭ جوبالىق قۋاتتىلىعى 1 كۇندە 1000 دانا سابىن شىعارسا، جىلىنا 400 000 دانا تاۋاردى حالىق يگىلىگىنە بەرەدى. ال دارەت قاعازىنىڭ 1 كۇندىك قۋاتتىلىعى 4000-5000 دانا شاماسىندا بولسا، جىلدىق قۋاتتىلىعى 1،5-1،9 ملن شاماسىندا بولادى.
نەگىزگى تاۋاردى تۇتىنۋشىلار كەلەس اۋدانى اۋماعى، شىمكەنت قالاسى جانە قىزىلوردا وبلىسىنا جونەلتۋدە. الداعى ۋاقىتتا تاجىكستان، اۋعانستان سىندى ەلدەردەن سۇرانىس تۇسۋىنە بايلانىستى ءونىم قۋاتتىلىعىن ارتتىرىپ شەت مەملەكەتتەرگە ەكسپورتتاۋدى جوسپارلاپ وتىر كاسىپورىن يەسى. كەلەس اۋدانىنىڭ اكىم اقمەنتاي ەسبايەۆ اتالعان كاسىپورىن يەسى ومىرسەرىك ءالىبايۇلىن قابىلداپ، جوبالارىمەن تانىسىپ شىقتى. الداعى ۋاقىتتا كاسىپكەرلىك نىسانىنىڭ دامۋى ءۇشىن اكىمدىك تاراپىنان بارىنشا قولداۋ بولاتىنىن اتاپ كورسەتتى.
كەلەس اۋدانى اكىمىنىڭ باسپا ءسوز قىزمەتى
